Námsefni um norrænu tungumálin

Hvað segir námskráin?

Hvað stendur um kennslu í norænum tungumálum í námskránni? Á síðunni Bruk skandinavisk! er yfirlit um hvað stendur í námskrám í Noregi, Svíþjóð og Danmörku.

Norðurlönd í bíó

Sameiginlegt norrænt tungumálaátak fyrir skóla á Norðurlöndum. Markmiðið er að nemendur bæti kunnáttu sína í norrænum tungumálum með námsefni sem byggir á kvikmyndum. Efnið er framleitt með styrk frá Norrænu ráðherranefndinni.

Språkpiloter

Vefsíða verkefnisins Språkpiloterna. Vefsíðan er ætluð öllum sem vinna að því að gera kennsluna áhugaverða fyrir nemendur í grunnskólum á Norðurlöndum. Framleitt með styrk frá Norrænu ráðherranefndinni.

Útgefið efni frá Norrænu menningargáttinni

Norræna menningargáttin í Finnlandi hefur gefið út fjölda bæklinga um norræn tungumál og um gagnkvæman tungumálaskilning á Norðurlöndum. Hægt er að hlaða efninu niður sem PDF, og einnig er hægt að panta bæklingana ókeypis (innheimt er fyrir burðargjöld).

Norræn tungumál með rótum og fótum

„Norræn tungumál með rótum og fótum” er fagleg og lifandi kynning á norrænum tungumálum í sögulegu samhengi. Efnið er gefið út á skandínavísku tungumálunum, íslensku og færeysku auk samísku, grænlensku og finnsku. Í bókinni er sagt frá uppbyggingu tungumálanna, sögulegri þróun og innbyrðis tengslum. Í tengslum við bókina og vefsetrið er umfangsmikið námsefni, sem samanstendur af kortum, aðgengilegum textum um tungumálasögu og efni henni tengdri. Einnig er hægt að hlaða bókinni niður sem PDF eða panta hana á norden.org.

Að skilja hver annan á Norðurlöndum

Góð ráð um samstarf þvert á landamæri Norðurlandanna. Útgefið efni frá Norrænu stofnuninni í Finnlandi.   Hlaða niður útgefnu efni (PDF) eða panta frá Nifin.

Danmarks Radio – Norræn tungumál

Vefsíða DR um norræn tungumál framleidd með styrk frá Norrænu ráðherranefndinni. Hægt er t.d. að hlusta á samískt eða færeyskt ljóð, reyna fyrir sér sem rappari eða taka þátt í spurningaleik um norrænu ríkin. Á nýju síðunni Leikið með tungumál eru fjöldi spila og spurningaleikja um norrænu tungumálin sem henta nemendum frá 4-7 ára aldurs.

Ókeypis gönguferðir í höfuðborgunum

Hvað er betri æfing í dönsku og norsku en að fara í göngferð með leiðsögn í Ósló eða Kaupmannahöfn? Æfðu skilning á tungumálunum tveimur í ókeypis sýndargönguferðum með tilheyrandi verkefnum á netinu.

Norræna tungumálasamhæfingin

Norræna tungumálasamhæfingin var sett á stofn árið 2009 sem hluti af nýju átaki á sviði norræns tungumálasamstarfs. Á vefsíðunni er m.a. stórt safn krækja um Norðurlönd og norræn tungumál. Þar er einnig safn krækja á námsefni sem flokkað er eftir aldri nemenda.

Leiðbeiningar í skandínavísku

Í norsku herferðinni Bruk skandinavisk! hefur verið safnað saman kennsluleiðbeiningum og kennsluáætlunum sem hægt er að hlaða niður af netinu. Einnig er hægt að panta ýmis konar efni sem tengist Norðurlöndum og norrænum tungumálum, s.s. orðabækur og DVD diska. Efnið er ókeypis fyrir félaga í Norræna félaginu. Á vefsíðunni er einnig krækjusafn á fjölmargar greinar og vefsíður.

Hugmyndir að kennslustundum í granntungumálum

Svenska Skolverket og Norræna félagið í Svíþjóð hafa í sameiningu gefið út efni með tillögum að kennslustundum fyrir sænska móðurmálskennara sem ætlað er að kenna dönsku eða norsku. Hægt er að hlaða efninu niður sem PDF á vefsíðu Skolverket.

Tíu kennslustundir í dönsku

Bókin tíu kennslustundir í dönsku er ætluð sænskumælandi fólki sem vill læra að tjá sig við og skilja Dani. Á vefsíðu bókarinnar er heilmikið að ókeypis æfingum og hljóðskrám.

Nordsnakk

Nordsnakk er fyrir Norðurlandabúa sem vilja æfa sig í granntungumálunum. Verkefnið snýst um að áhugasamir hittast á Skype til að æfa sig í að hlusta á og tala annað norrænt tungumál.

Norrænn smábær

Danska ungmennasambandið fyrir heyrnarlausa hefur þróað vefsíðu um táknmál á Norðurlöndum. Þar eru myndskeið sem fjalla umallt frá sögu norræns táknmáls til sögunnar um „Geithafrana þrjá” á norsku, sænsku og dönsku.

Námefni fyrir kennslu í nágrannatungumálum

Skolverket í Svíþjóð hefur skráð mikið magn efnis sem getur nýst þeim sem kennir norræn tungumál.

Falskir vinir

Stundum gerir maður mistök þegar maður talar við skandínavíska vini sína. „Falskur vinur” er orð sem hljómar líkt, en þýðir eitthvað allt annað á hinu tungumálinu. Á Wikipedia er listi yfir nokkrar algengustu orðin sem geta misskilist á milli sænsku og annarra norrænna tungumála.

Kynning á tungumálum heimsins

Alexander Arguelles er málvísindamaður sem þekktur er fyrir að vera jafnvígur á mörg tungumál. Hann hefur framleitt kennslumyndbönd þar sem hann útskýrir uppbyggingu tumgumáls og hvernig það aðskilur sig frá nærliggjandi tungumálum. Af norrænu tungumálunum hefur hann fjallað um íslensku, færeysku, dönsku, sænsku, bókmál og nýnorsku.

Nordspråk

Nordspråk eru samtök norrænna móðurmálskennarafélaga og félaga kennara í norrænum tungumálum. Á vefsíðu þeirra er einnig krækjusafn á tímarit kennara í ýmsum löndum.

Bók og tungumál

Námsefni um fjölda barna- og unglingabóka. Efnið er fáanlegt á sænsku, norsku og dönsku.

Hvað syngur nágranninn?

Tónlist er gott verkfæri fyrir þann sem kennir norræn tungumál. Skolverket í Svíþjóð hefur lagt á vefinn tónlistarmyndbönd með tilheyrandi textum og verkefnum sem nota má í kennslustofunni.

Ábendingar um norrænt námsefni

Við viljum gjarnan fá ábendingar um námsefni um Norðurlönd á webredaktionen@norden.org.