Document Actions

Skólastarf Norrænu félaganna

Mikilvægur hluti af starfi Norrænu félaganna felst í því að veita upplýsingar og aðstoða kennara sem kenna um Norðurlönd og norræn tungumál. Einnig býðst skólum að ganga í Norrænu félögin.

Félagsaðild skóla

Félagsaðild fyrir skóla í Norræna félaginu kostar lítið. Sem félagsaðili fær skólinn meðal annars fréttbréf félagsins og aðgang að kennsluefni um Norðurlönd. Einnig gefst félögum tækifæri á að sækja um styrki, kaupa vörur með afslætti og margt fleira. Hafið samband við starfsmann sem sér um skólamál hjá Norræna félaginu í viðkomandi landi og fáið upplýsinar um hvað skólaaðild felur í sér.

Norrænn vinabæjarbekkur

Norrænu félögin bjóða skólabekkjum tækifæri á því að eignast vinabekk í öðru norrænu ríki. Norrænn vinabekkur veitir skólabörnum tækifæri á að kynnast menningu annars staðar á Norðurlöndum, öðlast skilning á tungumálinu og um leið að tengjast nýjum félögum.

Bekkirnir ákveða sjálfir hvernig þeir viðhalda tengslum og hvað þeir vilja gera saman. Þeir geta til að mynda skrifast á eða verið í tölvupóstsamskiptum, opnað sameiginega fésbókarsíðu, unnið sem erlendir fréttaritarar fyrir skólablöð hvors annars og heimsótt hvor annan.

Það kostar ekkert að eignast norrænan vinabekk. Frekari upplýsingar fást hjá Norræna félaginu í þínu landi.

Námsstuðningur

Norræna félagið aðstoðar kennara sem vilja sækja norræn endurmenntunarnámskeið eða sem vilja fara í skólaheimsóknir til annarra norrænna ríkja. Hugmyndin byggir á því að auka þekkingu kennara um Norðurlönd og leiðbeina þeim og gefa hugmyndir um kennslu á norrænum tungumálum í gegnum vinabekkina, námsefni og annað sem til boða stendur í hverju landi fyrir sig.