Document Actions

Æðri menntun í Danmörku

Eftirfarandi eru upplýsingar um æðri menntun í Danmörku

Anteckningar

Ungir námsmenn í Danmörku

Ljósmyndari
Johannes Jansson/norden.org

Námsleiðir í æðri menntun í Danmörku eru þrjár: stutt nám, meðallangt nám og langt nám

Stutt æðri menntun

Stutt æðri menntun er almennt tveggja ára nám, en getur verið lengra.

Þetta er m.a. hönnunarnám, stutt verslunarnám og nám í skapandi greinum.

Meðallöng æðri menntun

Meðallöng æðri menntun er yfirleitt nám í sérstökum greinum og er 3 - 4 ára nám.

Þetta á m.a. við um grunnskólakennaranám og leikskólakennaranám, og einnig um tungumálanám og nám í upplýsingatækni.

Löng æðri menntun

Löng æðri menntun er 3 - 6 ára nám. Námið er rannsóknanám sem gefur breiða faglega þekkingu og sértæka kunnáttu.

Í Danmörku er BA/BS nám, þriggja ára nám. Að loknu BA/BS námi er hægt að bæta við tveggja ára námi til að frá kanditatspróf/meistaragráðu.

Margir velja einnig að fara í starfsþjálfun í stuttan tíma, oftast nær í hálft ár.

Flestir vinnustaðir sem taka við fólki í starfsþjálfun ráða eingöngu þá sem hafa lokið BA/BS prófi í sínu fagi.

Inngönguskilyrði

Norrænir ríkisborgarar eiga sama rétt til að sækja um inngöngu og danskir ríkisborgarar. Allir umsækjendur með erlend prófskírteini þurfa þó að sækja um í síðasta lagi 15. mars kl. 12.

Námspláss skiptast milli tveggja kvóta: „kvóta 1" og „kvóta 2". Norrænir ríkisborgarar eru metnir bæði í kvóta 1 og kvóta 2.

Í kvóta 1 er inngönguskilyrði meðaleinkunn þess prófs sem til þarf til að sækja um inngöngu. Það er meðaltal fyrsta prófs sem gildir og því eru einkunnir úr fögum sem bætt hefur verið við ekki teknar með í meðaltali í kvóta 1. Þó svo að einstaklingur hafi bætt meðaltalseinkun sína eftir stúdentspróf með viðbótarnámskeiðum, er einungis hægt að nýta meðaltalseinkunn upprunalega prófsins, þegar sótt er um inngöngu í æðri menntun í Danmörku. Viðbótarnám er stundum hægt að nýta til að uppfylla kröfur í einstökum fögum.

Í kvóta 2 er einstaklingur metinn út frá uppsafnaðri reynslu og námi, sem getur verið starfsreynsla, viðbótarnám, lýðháskóladvöl og annað sambærilegt háð stofnun eða námsleið.

Nánari upplýsingar á optagelse.dk og á borger.dk.s vefsíðum um menntun í Danmörku fyrir norræna ríkisborgara.

Viðbótareiningar

Ef einstaklingur hefur tekið námskeið í einni námsleið, getur hann sótt um að fá eitt eða fleiri fög metin sem hluta af nýju námi.

Alltaf skal spyrjast fyrir á námstaðnum.

Tengt efni
  • Samningur milli Danmerkur, Finnlands, Íslands, Noregs og Svíþjóðar um aðgang að æðri menntun (Yfirlýsing)

    Samningur milli Danmerkur, Finnlands, Íslands, Noregs og Svíþjóðar um aðgang að æðri menntun frá 3. september 1996 með breytingum frá 23. apríl 2009.
  • Upplýsingaþjónustan Halló Norðurlönd (Samtök)

    Halló Norðurlönd er upplýsingaþjónusta Norrænu ráðherranefndarinnar. Markmiðið er að auðvelda hreyfanleika einstaklinga á milli Norðurlandanna. Á vefsíðunni eru reglur sem gilda fyrir þá sem flytja til, stunda nám eða starfa í norrænu ríkjunum. Einnig er hægt að senda in spurningar um sérstök mál á sænsku, dönsku, norsku, finnsku og íslensku.
  • Öresund Direkt (Samtök)

    Öresund direkt er upplýsingaþjónusta, sem miðlar opinberum upplýsingum til almennings og atvinnulífs á Eyrarsundssvæðinu.
  • Staðreyndir um Danmörk

    Danmörk liggur syðst Norðurlandanna. Landið sem er lítið samanstendur af mörgum eyjum, það er þéttbýlt og umkringt yndislegum ströndum.

 

Vantar þig nánari upplýsingar?

Spurningar um flutning, vinnu og nám á Norðurlöndunum má senda með því að fylla út rafrænt eyðublað. Spurningum er svarað af starfsfólki upplýsingaþjónustunnar Halló Norðurlönd.