Document Actions

Námsstyrkir í Danmörku (SU)

Eftirfarandi eru upplýsingar um menntunarstyrk ríkisins í Danmörku

Grafer og penge

Sækja um styrk til náms í Danmörku.

Menntunarstyrkur ríksins (SU)

Danskir námsmenn fá fjárhagsaðstoð (SU) á meðan þeir stunda nám. Danski námsstyrkurinn er hár miðað við flest önnur lönd.

SU er annars vegar styrkur og hins vegar lán. Margir kjósa einnig að vinna samhliða námi.

SU-styrkinn þarf ekki að greiða tilbaka til ríkisins, en lánið greiðist tilbaka að námi loknu.

Mikilvægt er að hafa í huga að það eru takmörk fyrir því hversu mikið námsmenn mega hafa í tekjur á meðan þeir eru í námi og fá SU. Ef farið er yfir tekjumörk, þurfa námsmenn að endurgreiða hluta SU-styrksins.

Réttur erlendra ríkisborgara til SU

Yfirleitt eiga ríkisborgarar annarra norrænna ríkja að sækja um námsstyrki til heimalands. Nánari upplýsingar eru á meðfylgjandi vefsíðum:

Erlendir ríkisborgar geta átt rétt á SU uppfylli þeir viss skilyrði.

Aðrir geta notið sömu réttinda og danskir ríkisborgarar þegar sótt er um SU, annars vegar samkvæmt dönskum reglum og hins vegar ESB-reglum:

Réttindi samkvæmt dönskum reglum

Einstaklingur getur fengið sömu réttindi og danskur ríkisborgari samkvæmt dönskum reglum,

  • hafi hann flutt til Danmerkur með foreldrum sínum fyrir 20 ára aldur. Skilyrði er að fjölskyldan eigi lögheimili í Danmörku og að viðkomandi ásamt foreldrum búi þar.
  • ef viðkomandi hefur búið í Danmörku a.m.k. í tvö ár áður en sótt er um SU og jafnframt verið giftur eða í skráðu sambandi við danskan ríkisborgara í a.m.k. tvö ár. Skilyrði er að viðkomandi sé giftur eða í skráðu sambandi þegar sótt er um. Einstaklingur sem hefur búið í Danmörku og unnið a.m.k. 30 tíma á viku í tvö ár samfellt áður en nám er hafið, nýtur einnig sömu réttinda og danskur ríkisborgari.
  • ef viðkomandi hefur búið samfellt í Danmörku í a.m.k. fimm ár áður en sótt er um, án þess að ákveðið hafi verið að stunda nám í Danmörku.
  • ef viðkomandi er þýskur ríkisborgari og tilheyrir danska minnihlutanum í Suður-Slesvig.
  • ef viðkomandi heyrir undir § 2, málsgrein 2 (flóttamenn) eða § 2, málsgrein 3 (útlendingar sem flytjast til lands vegna fjölskyldutengsla (familiesammenførte)) í samþættingarlögunum.

Réttindi samkvæmt ESB reglum

Einstaklingur getur notið sömu réttinda og danskur ríkisborgari samkvæmt ESB reglum,

  • ef hann er ESB eða EES ríkisborgari og launþegi eða sjálfstæður atvinnurekandi í Danmörku.
  • ef hann er barn ESB eða EES ríkisborgara.
  • ef maki hans er ESB eða EES ríkisborgari.
  • ef foreldri hans er ESB eða EES ríkisborgari.
  • ef hann er ESB eða EES ríkisborgari eða í fjölskyldu ESB eða EES ríkisborgara og hefur búið samfellt í Danmörku í a.m.k. fimm ár. Ef viðkomandi hefur dvalið samfellt utan Danmerkur í tvö ár fást ekki réttindi til SU styrks fyrr en eftir fimm ára samfellda dvöl í Danmörku.

SU til náms erlendis

Ef námsmaður vill stunda nám í öðru norrænu ríki, getur hann í flestum tilfellum flutt SU námsstyrkinn með sér.

Námið skal gefa almenn starfsréttindi í Danmörku og námið og skólinn verða að vera viðurkennd af opinberum stjórnvöldum í námslandinu.

Nánar um reglur sem gilda um SU styrkinn á: su.dk.

Tengt efni
  • Öresund Direkt (Samtök)

    Öresund direkt er upplýsingaþjónusta, sem miðlar opinberum upplýsingum til almennings og atvinnulífs á Eyrarsundssvæðinu.
  • Upplýsingaþjónustan Halló Norðurlönd (Samtök)

    Halló Norðurlönd er upplýsingaþjónusta Norrænu ráðherranefndarinnar. Markmiðið er að auðvelda hreyfanleika einstaklinga á milli Norðurlandanna. Á vefsíðunni eru reglur sem gilda fyrir þá sem flytja til, stunda nám eða starfa í norrænu ríkjunum. Einnig er hægt að senda in spurningar um sérstök mál á sænsku, dönsku, norsku, finnsku og íslensku.

 

Vantar þig nánari upplýsingar?

Spurningar um flutning, vinnu og nám á Norðurlöndunum má senda með því að fylla út rafrænt eyðublað. Spurningum er svarað af starfsfólki upplýsingaþjónustunnar Halló Norðurlönd.