Æðri menntun í Svíþjóð
Þessi vefsíða er fyrir þá sem stunda nám í Svíþjóð eða hyggja á æðra nám eða fullorðinsfræðslu í Svíþjóð. Einnig eru hér upplýsingar fyrir námsráðgjafa.
- Ljósmyndari
- Magnus Fröderberg/norden.org
Um sænska háskóla
Í Svíþjóð er ríkið ábyrgt fyrir þeirri starfsemi sem fram fer á háskólasviðinu. Þingið og ríkisstjórnin setja reglur og ákveða hvernig fjármagni skuli skipt. Nokkrar stofnanir sjá um framkvæmd á háskólasviðinu, þeirra á meðal er Högskoleverket
Í Svíþjóð eru ríkisháskólar 14 og aðrar ríkisreknar æðri stofnanir 22. Auk þess eru þrír skólar viðurkenndir til að veita rannsóknamenntun, það eru Kalmar tækniháskólinn , Viðskiptaháskólinn í Stokkhólmi og háskólinn í Jönköping. Munurinn á háskóla og öðrum æðri menntastofnunum felst meðal annars í því að háskólar mega útskrifa vísindamenn.
Þá eru níu menntastofnanir sem bjóða upp á grunnháskólanám og nokkrar menntastofnanir sem mega útskrifa sállækna.
Réttindi til að stunda nám í háskólum og öðrum æðri menntastofnunum
Vissar kröfur eru gerðar um menntun áður en aðgangur að æðri menntastofnunum í Svíþjóð er veittur. Kröfurnar eru einnig nefndar hæfnisvottorð: behörighetskrav. Hæfniskröfum er skipt í grunnhæfni og sérstaka hæfni. Grunnhæfni er krafist vegna allrar æðri menntunar. Auk grunnhæfni er gerð krafa um sérstaka hæfni í fjölda greina, þetta kallast sértæk hæfni. Á vefsíðu Högskoleverkets eru nánari upplýsingar um hæfniskröfur.
Hver háskóli og æðri menntastofnun setur eigin reglur um inntöku nemenda.
Þeir sem hafa menntun frá öðru landi og hug á því að stunda áframhaldandi nám í Svíþjóð geta fengið aðstoð við að fá menntun sína metna. Hafa skal samband við þann háskóla eða æðri stofnun sem ætlunin er að stunda nám í. Nánari upplýsingar eru vefsíðunni Högskoleverkets sida om att tillgodoräkna utländska studier.
Lengd menntunar er talin í háskólaeiningum
Háskólanám er talið í einingum. Eitt ár, 40 vikna nám, svarar til 60 háskólaeininga og ein önn er 30 einingar.
Háskólaeiningar fyrir hvert námskeið eru ákveðnar með tilliti til þeirrar vinnu sem eðlileg er til að ná settum markmiðum í námskeiðinu. Markmiðin og fjöldi háskólaeininga eru gefin upp í námskrá.
Próf og einkunnir
Námskeiðum lýkur með prófi sem getur verið skriflegt eða munnlegt. Nemendur fá einkunnir fyrir þau námskeið sem þeir hafa lokið. Yfirleitt er einkunnum lýst með; fall, staðið og mjög gott. Háskólar og aðrar æðri menntastofnanir geta þó einnig ákveðið að nota önnur einkunnakerfi.
Menntuninni er skipt í þrjú stig
Grunnnám, sem byggir að mestu á þekkingu nemenda úr framhaldsskólanum, framhaldsnám, sem byggir á þekkingu sem nemendur hafa öðlast í grunnnámi og vísindanám/doktorsnám sem byggir á þekkingu sem nemendur hafa öðlast í grunnnámi og vísindanámi/doktorsnámi.
Almenn próf
Í grunnnámi:
- BA og BS próf, 120 háskólaeiningar
- kandidatspróf, 180 háskólaeiningar
Í framhaldsnámi:
- magisterpróf, 60 háskólaeiningar
- meistarapróf, 120 háskólaeiningar
Í vísindanámi/doktorsnámi:
- doktorspróf (licentiatet), 120 háskólaeiningar
- doktorspróf, 240 háskólaeiningar
Nánari upplýsingar um nám í Svíþjóð eru á vefsíðunni: Högskoleverkets hemsida.
Erlend framhaldsskólapróf
Verket för högskoleservice metur erlend framhaldsskólapróf og ákveður hvaða sænskum prófum þau samsvara.
Erlend háskólamenntun
Þeim sem hafa stundað nám í erlendum háskóla og vilja halda námi áfram í Svíþjóð er bent á að snúa sér til námsráðgjafa í þeim háskóla eða þeirri æðri menntastofnun sem þeir vilja leggja stund á nám hjá. Þar fá þeir aðstoð við mat á erlendri menntun.
Á vefsíðu Högskoleverket um háskólanám studera.nu, eru nánari upplýsingar.
Enskumælandi?
Study in Sweden er vefsíða á ensku með upplýsingum um æðra nám í Svíþjóð.
Kostnaður
Erlendir námsmenn sem vilja stunda grunn- eða framhaldsnám í Svíþjóð þurfa að greiða fyrir námið. Kostnaður er ákveðinn af hverjum háskóla eða æðri menntastofnun fyrir sig, samkvæmt þeirri grunnreglu að gjaldið skuli nægja fyrir kostnaði sem til fellur. Vísindamenntun er þó ókeypis. Hafið sambandi við háskóla eða æðri menntastofnun sem ætlunin er að stunda nám hjá til að fá upplýsingar um kostnað.
Aðgangur að námi
Þeir sem hefja nám að hausti fá upplýsingar um hvort þeir hafi komist inn um miðjan júlí. Þeir sem vilja hefja nám á vormisseri fá upplýsingar um hvort þeir hafi komist inn í desember. Venjan er að viðkomandi hefur tvær vikur til að láta vita hvort hann mun þiggja plássið og hefja nám eður ei.
Þeir sem ekki uppfylla skilyrði til að hefja háskólanám
Þeir sem ekki uppfylla skilyrði til að hefja háskólanám geta sent prófskírteini sín til Komvux, fullorðinsfræðslu sveitarfélaga, eða til lýðháskóla.
Komvux
Komvux, eða vux eins og það er kallað í mörgum sveitarfélögum, er til staðar fyrir þá sem vilja ljúka þeim stúdents- og grunnskólafögum sem upp á vantar. Nánari upplýsingar um Komvux eru á Alla Studiers webbplats.
Lýðháskólar
Lýðháskólar eru reknir vítt og breitt um Svíþjóð. Þeir eru ólíkir hefðbundnum skólum og bjóða upp á ólíkar leiðir Á almennum námskeiðum lýðháskólanna gefast tækifæri til að undirbúa sig fyrir æðra nám. Auk þess er boðið upp á fjölbreytt námskeið á ýmsum sviðum. Framboð á menningartengdum námskeiðum er mikið í lýðháskólum, þar er hægt að taka undirbúningsnámskeið í listum, tónlist, dansi, leiklist, ljósmyndum og ritun. Önnur dæmi eru námskeið um alþjóðalegt þróunarstarf, tölvur og heilbrigðismál. Margir lýðháskólar bjóða heimavist. Nánari upplýsingar um hvaða skólar það eru: Folkhögskolornas hemsida
Góð ráð!
Tveir lýðháskólar sérhæfa sig í norrænum málum:
