Sænsk-norski samstarfssjóðurinn

Hlutverk sænsk-norska samstarfssjóðsins er að stuðla að sænsk-norsku samstarfi og gagnkvæmum skiptum á upplýsingum um sænska og norska menningu og samfélag. Sænsk-norski samstarfssjóðurinn var stofnaður af sænska ríkinu árið 1949 með fjármagni frá Norgehjälpens Frihetsgåvekommitté og Norska nasjonalhjelpen. Á sama tíma var stofnaður samsvarandi sjóður í Noregi, Sjóður um sænskt-norskt samstarf og var stofnfé hans 3 milljónir norskra króna. Sjóðirnir voru með sameiginlega stjórn og voru þeir sameinaðir árið 1993.