Document Actions

Orkumál, samgöngur og byggðastefna

Langtíma lán frá Norræna fjárfestingabankanum (NIB)
NIB veitir viðbótarlán til lengri tíma til verkefna, sem stuðla að samkeppnisæfni og umhverfisvernd í samræmi við markmið NIB. NIB býður viðskiptavinum sínum, jafnt einkaaðilum og opinberum, sérsniðin lán og ábyrgðir á samkeppnishæfum kjörum.
Styrkir Norrænu ráðherranefndarinnar úr áætlun um sjálfbæra þróun á Norðurlöndunum 2009-2012
Norræna ráðherranefndin hefur veitt styrki til verkefna sem stuðla að framkvæmd norrænnar stefnu um sjálfbæra þróun á sviði; loftslagsmála og endurnýjanlegra orkugjafa; sjálfbærrar framleiðslu og neyslu; velferðarþjóðfélagsins; auk menntunar og rannsókna, þátttöku borgaranna og staðbundinnar sjálfbærnistefnu. Ekki verður auglýst eftur umsóknum um styrki á árinu 2012.
Styrkir Norrænna orkurannsókna
Norrænar orkurannsóknir (NER) styrkja rannsóknir á sviði orkumála sem varða öll norrænu ríkin og geta eflt fjölþjóðlegt rannsóknasamstarf.
Styrkir Norræna þróunarsjóðsins, NDF
NDF styrkir verkefni sem fjalla um loftslagsbreytingar í láglaunalöndum. Styrkir NDF eru ætlaðir til að fjármagna verkefni sem fjalla um aðlögun og skilvirkar aðgerðir tengdar loftslagsbreytingum. NDF styrkir eru einkanlega veittir til að fjármagna tækniaðstoð, s.s. ráðgjafaþjónustu, til fjárfestinga í vörum, vinnu, þjónustu og til að koma til móts við annan kostnað sem tengist tækniaðstoð.
Norrænt Atlantshafssamstarf, NORA
NORA styrkir NORA-samstarfsverkefni, með þátttöku samstarfsaðila frá hið minnsta tveimur af fjórum NORA ríkjum (Grænlandi, Íslandi, Færeyjum og strandsvæðum Noregs). NORA á að stuðla að og auka samstarf á svæðinu með það að markmiði að gera Norður-Atlantshafsríkin að sterku norrænu svæði, sem einkennist af öflugri og sjálfbærri efnahagsþróun. Þetta er gert meðal annars með því að styrkja samstarfið milli fyrirtækja og rannsókna- og þróunarstofnana óháð landamærum.
Fjármögnunarstyrkir frá NEFCO
NEFCO er alþjóðleg fjármálastofnun, sem sett var á stofn af norrænu ríkjunum. NEFCO fjármagnar aðallega fjárfestingar og verkefni í Rússlandi, Úkraínu, Eistlandi, Lettlandi, Litháen og Hvíta-Rússlandi. NEFCO fjármagnar verkefni og fjárfestingar sem hafa í för með sér jákvæð umhverfisáhrif og eru áhugaverð fyrir Norðurlönd.
Vestnorræni sjóðurinn
Vestnorræni sjóðurinn veitir lán til fjárfestinga í fyrirtækjum í Færeyjum og á Grænlandi og einnig til íslenskra fyrirtækja, svo framarlega að um sé að ræða samstarfsverkefni íslensks fyrirtækis og fyrirtækis annað hvort frá Færeyjum eða Grænlandi.
Norræn jaðarsvæði
Áætlunin er skipulögð til þess að takast á við þau sérstöku úrlausnarefni sem norræn jaðarsvæði þufa að takast á við, eins og t.d. dreifða byggð á landsbyggðinni. Nýsköpun, umhverfismál, aðgengi og tenging milli dreifbýlis og þéttbýlis eru forgangsmál. NPP 2007-2013 er sérstaklega ætlað að leggja áherslu á fjölþjóðlegt samstaf um þróun nýrra, nýstárlegra vara og þjónustu. Verkefnin skulu, með miðlun reynslu og uppbyggingu tengslaneta, hafa í för með sér raunverulegar niðurstöður sem skapa virðisauka á þeim svæðum sem taka þátt.
Kolarctic ENPI CBC
Í áætluninni er lögð megináhersla á þrjú svið; efnahags- og félagslega þróun, sameiginleg viðfangsefni og landamærasamstarf og samstarf alþýðu og uppbyggingu sjálfsmyndar. Á öllum sviðunum er sérstök áhersala viðfangsefni sem beina sjónum að konum og ungmennum.
Kattegat-Skagerrak
Áherslusvið áætlunarinnar eru þrjú: * Að efla sjálfbæran efnahagsvöxt * Að tengja svæðið saman * Að efla samþættingu almennt
Interreg - Norðurslóðaáætlunin
ESB áætlunin Interreg Svíþjóð-Noregur fellur undir nýjar áherslur "svæðisbundið samstarf" þar sem markmiðið er að efla samstarf yfir landamæri innan ESB og í tilteknum löndum. Byggt verður á fyrri samstarfsverkefnum sem unnin hafa verið innan Norðurslóðaáætlunarinnar. Um er að ræða þrjár tegundir svæðasamstarfs: samstarf þvert á landamæri, alþjóðleg samstarf og samstarf innan svæða. Interreg Svíþjóð - Noregur er samstarf þvert á landamæri. Markmiðið með áætluninni er að styrkja og efla nýskapandi verkefni, þekkingu og samkeppnishæfni í atvinnulífi, tækni og samfélagsþróun. Efla á efnahagsvöxt með því að auka áherslu á innviði og með því að ryðja úr vegi stjórnsýsluhindrunum. Efla á lífsumhverfið með því að skapa svæði þar sem fólk vill búa og starfa.
Eystrasaltsáætlunin
Eystrasaltsáætlunin (The Baltic Sea Region Programme 2007-2013) er ein af mikilvægum áætlunum ESB um svæðasamstarf. Fjárhagsáætlun áætlunarinnar er 236,6 milljónir evra og er hún styrkt af þróunarsjóði ESB, grannsvæðaáætlun ESB (European Neighbourhood and Partnership Instrument - ENPI) og norska ríkinu. Þar að auki kemur fjármagn frá svæðunum.
Botnia-Atlantica
Áherslusvið eru sex: menntun, rannsóknir, tækniþróun, ferðaþjónusta og atvinnulíf, samfélagsþjónusta, náttúru- og menningarumhverfi sem auðlindir, samskipti og samstarf yfir landamæri (orka, menning, samstarf milli borga og þorpa).
Svíþjóð-Noregur: Samstarf án landamæra
Meginmarkmið áætlunarinnar er að auka aðdráttaafl og samkeppnishæfni svæðisins með samstarfi þvert á landamæri. Áætlunin leggu áherslu á þrjú svið; hagvöxt, aðlaðandi lífsumhverfi og tæknilega aðstoð. Fyrri tvö sviðin sjá um utanaðkomandi verkefnavinnu en það þriðja sér um fjármögnun á umsjón og framkvæmd áætlunarinnar.
Norðursjávaráætlunin
Norðursjávaráætlunin vinnur með nýjustu aðferðir á sviði byggðaþróunar í fjölþjóðlegum verkefnum. Meginmarkmið áætlunarinnar er að víkka ramma svæðasamstarfs og leggja áherslu á öflug gæðaverkefni á sviði nýsköpunar, umhverfismála, aðgengi, og sjálfbærra og samkeppnishæfra byggða. Áætlunin hefur fengið 140 milljónir evra frá ESB. Að auki koma 9,6 milljónir evra frá norskum samstarfsaðilum.
INTERREG IV A Nord
Í áætluninni er lögð áhersla á þrjú meginsvið; þróun atvinnulífs, rannsóknir og þróun og menntun ásamt virkni og ímynd byggða. Í Noregi taka þrjú nyrstu héruðin Finnmörk, Troms og Nordland þátt í áætluninni, í Svíþjóð tekur Norrbotten þátt og í Finnlandi Lappland.
Svíþjóð-Noregur: Innri Skandínavía
Meginmarkmið áætlunarinnar er að auka aðdráttaafl og samkeppnishæfni svæðisins með samstarfi þvert á landamæri. Áætlunin leggu áherslu á þrjú svið; hagvöxt, aðlaðandi lífsumhverfi og tæknilega aðstoð. Fyrri tvö sviðin sjá um utanaðkomandi verkefnavinnu en það þriðja sér um fjármögnun á umsjón og framkvæmd áætlunarinnar.
Norður: Sàpmi
Markmið áætlunarinnar er að árið 2013 skuli samíska svæðið hafa eflt menningar- og atvinnulífið, með því að skapa forsendur fyrir breiðara og skipulagðra samstarfi á sviði atvinnulífs, með áherslu á sameiginlegar lausnir til þess að hægt verði að þróa það sem er einstakt fyrir samíska menningu.