Document Actions

Velferð og jafnrétti

Nopef styrkir undirbúningsrannsóknir
Markmið sjóðsins er að styrkja og efla alþjóðlega samkeppnishæfni norrænna fyrirtækja með því að taka þátt í fjármögnun undirbúningskannana, sem stuðla að því að efla alþjóðavæðingu norrænna fyrirtækja. Nopef fjármagnar undirbúningsrannsóknir lítilla og meðalstórra norrænna fyrirtækja áður en þau hefja starfsemi í löndum utan ESB og EFTA.
Styrkir Norræna þróunarsjóðsins, NDF
NDF styrkir verkefni sem fjalla um loftslagsbreytingar í láglaunalöndum. Styrkir NDF eru ætlaðir til að fjármagna verkefni sem fjalla um aðlögun og skilvirkar aðgerðir tengdar loftslagsbreytingum. NDF styrkir eru einkanlega veittir til að fjármagna tækniaðstoð, s.s. ráðgjafaþjónustu, til fjárfestinga í vörum, vinnu, þjónustu og til að koma til móts við annan kostnað sem tengist tækniaðstoð.
Sækja um styrki frá Norrænu velferðarmiðstöðinni(NVC)
Markmiðið með styrkjaáætlun NVC er að efla norrænt samstarf milli stofnana sem fara með málefni fatlaðra. Styrkir eru veittir til verkefna sem fela í sér samstarf milli norræna stofnana sem fara með málefni fatlaðra og sambærilegra stofnana í grannríkjunum þ.e. í Eistlandi, Lettlandi, Litháen og í Norðvestur-Rússlandi.
Styrkir Norrænu stofnunarinnar um áfengis- og vímuefnarannsóknir
Norræna stofnunin um áfengis- og vímuefnarannsóknir styrkir norrænar sambanburðarrannsóknir á áfengis- og vímuefnasviðinu, svo framarlega sem rannsóknirnar hafa samfélagslega tengingu. Minnst tvö norræn ríki þurfa að taka þátt í hverju rannsóknaverkefni. Jafnt stofnanir og einstaklingar geta sótt um styrki í sjóðinn.
NCCS Rannsóknarsjóður
Stofnun Nordic college of Caring Science Rannsóknarsjóðsins var sett á laggirnar árið 2007. Markmið Rannsóknarsjóðsins er, í samræmi við NCCS reglur og markmið, að styrkja vísindalega þróun heilbrigðisrannsókna á öllum sviðum. Sjóðurinn styrkir norræn rannsóknaverefni sem stuðla að þekkingu á heilbrigðisþjónustu byggðri á virðingu við einstaklinga við ólíkar aðstæður, af ólíkum menningarheimum, sérstaklega með tilliti til heilbrigðis, líknandi meðferðar, fötlunar og skilningi á dauðanum.