Document Actions

Vinna á Íslandi

Hér má finna upplýsingar um atvinnuleit á Íslandi, atvinnuleyfi, atvinnuleysistrygginar og annað nytsamlegt fyrir þá sem leita að vinnu á Íslandi eða starfa þar nú þegar.

Atvinnu- og dvalarleyfi á Íslandi: Ríkisborgarar norrænu landanna þurfa ekki atvinnu- og dvalarleyfi til þess að dvelja á Íslandi en ríkisborgarar annarra landa þurfa að kynna sér vel þær reglur sem gilda. Hér má finna upplýsingar um atvinnu- og dvalarleyfi ríkisborgara frá löndum innan og utan Evrópska efnahagssvæðisins (EES).
Atvinnuleit á Íslandi: Hér má finna upplýsingar um vinnumiðlanir og möguleikann á atvinnuleysisbótum meðan á atvinnuleit stendur. Ýmislegt þarf að hafa í huga við atvinnuleit á Íslandi, til að mynda getur verið góð hugmynd að kynna sér reglur varðandi atvinnutryggingar.
Tekjur í atvinnuleysi á Íslandi: Mikilvægt er að kynna sér reglur um tekjur í atvinnuleysi við flutninga milli norræna ríkja. Á Íslandi sér Vinnumálastofnun um alla umsýslu atvinnuleysistrygginga, skráningu, ráðgjöf og eftirlit.
Sjúkradagpeningar á Íslandi: Hér má finna upplýsingar um almennan veikindarétt launþega vegna eigin veikinda og veikinda barna sem og réttindi vegna vinnuslysa og vinnutengdra sjúkdóma. Eins má finna upplýsingar um hverjir eiga rétt á sjúkradagpeningum.
Skattar á Íslandi: Þeir sem starfa á Íslandi þurfa að kynna sér reglur um skattamál, þar á meðal um tvísköttunarsamninga. Hér má finna almennar upplýsingar um skattamál á Íslandi, til dæmis um hvernig sótt er um skattkort, hvernig skattframtal virkar og hverjir eru skattskyldir á Íslandi.
Að vinna í fleiri löndum samtímis: Við vinnu í fleiri löndum samtímis þarf að hafa ákveðin atriði í huga, til að mynda varðandi almannaskráningu, sjúkratryggingar og skattamál.
Stéttarfélög á Íslandi: Stéttarfélög gegna mikilvægu hlutverki á Íslandi og nær allt launafólk er félagsmenn í stéttarfélögum. Ráðlagt er að kynna sér vel starfsemi stéttarfélaga og þá aðstoð sem þau veita.

Norræna ráðherranefndin

Upplýsingaþjónustan Halló Norðurlönd

Halló Norðurlönd er upplýsingaþjónusta Norrænu ráðherranefndarinnar. Markmiðið er að auðvelda hreyfanleika einstaklinga á milli Norðurlandanna. Á vefsíðunni eru reglur sem gilda fyrir þá sem flytja til, stunda nám eða starfa í norrænu ríkjunum. Einnig er hægt að senda in spurningar um sérstök mál á sænsku, dönsku, norsku, finnsku og íslensku.

Viltu spyrja Halló Norðurlönd?

Spurningar um flutning, vinnu og nám á Norðurlöndunum má senda með því að fylla út rafrænt eyðublað. Spurningum er svarað af starfsfólki upplýsingaþjónustunnar Halló Norðurlönd.

Vinna á Norðurlöndum

Meira um Ísland

Flytja til Íslands

Vinna á Íslandi

Nám á Íslandi