Document Actions

Atvinnu- og dvalarleyfi í Danmörku

Eftirfarandi eru þær reglur sem gilda fyrir norræna ríkisborgara sem hyggjast starfa í Danmörku.

Nordiske flag
Ljósmyndari
Søren Sigfusson/norden.org

Norrænir ríkisborgarar

Norrænum ríkisborgurum er leyfilegt að ferðast til Danmerkur til að búa þar og stunda atvinnu. Ekki er þörf á vegabréfsáritun, atvinnu- eða dvalarleyfi.

Ríkisborgarar ESB- og EES-ríkja

Þeir sem eru ekki norrænir ríkisborgarar, en eru ríkisborgarar í ESB-ríki, EES-ríki eða Sviss, mega dvelja í Danmörku í þrjá mánuði. Ef viðkomandi er í atvinnuleit á meðan á dvöl stendur má hann dvelja í landinu í sex mánuði.

Ef viðkomandi vill dvelja lengur í Danmörku, verður hann að sækja um skráningarvottorð. Skráningarvottorðið er vottorð um þau réttindi ESB/EES-ríkisborgarar hafa samkvæmt reglum ESB um frjálst flæði einstaklinga og þjónustu. Sækja skal um vottorðið hjá Statsforvaltningen áður en löglegri dvöl lýkur.

Nánar á vefsíðu útlendingaþjónustunnar Udlændingeservice.

Meginreglan er sú að maki/sambýlingur og börn undir 21 árs aldri eigi rétt á að fylgja viðkomandi. Þó skulu aðrir í fjölskyldu viðkomandi hafa vegabréfsáritun ef þeir eru ríkisborgarar í landi sem Danmörk krefst vegabréfsáritunar frá.

Ef maki/sambýlingur er ESB-/EES-ríkisborgari getur hann eða hún sótt um skráningarvottorð á sama hátt og viðkomandi.

Ef maki/sambýlingur er ríkisborgari í öðru ríki skal hann eða hún sækja um dvalarkort í staðinn. Það er gert á vefsíðunni: borger.dk.

Nánar á vefsíðu útlendingaþjónustunnar: Udlændingeservice.

Ríkisborgarar frá öðrum heimshlutum

Nánari upplýsingar fyrir einstaklinga sem vilja starfa í Danmörku,en eru ekki ríkisborgarar í norrænu ríki, ESB-ríki, EES-ríki eða Sviss eru á vefsíðu útlendingaþjónustunnar: Udlændingeservice.

Tengt efni
  • Samningur um sameiginlegan norrænan vinnumarkað (Samningur)

    Samningur um sameiginlegan norrænan vinnumarkað undirritaður 6. mars 1982, gekk í gildi 1. ágúst 1983. Kemur í stað fyrri samkomulags frá 22. maí 1954.
  • Bókun um að leysa ríkisborgara Íslands, Danmerkur, Finnlands, Noregs og Svíþjóðar undan skyldu til að hafa í höndum vegabréf og dvalarleyfi við dvöl í öðru norrænu landi en heimalandinu (Samningur)

    Bókunin var undirrituð 22. maí 1954 af fulltrúum Danmerkur, Finnlands, Noregs og Svíþjóðar og gekk í gildi 1. júlí 1954. Ísland gerðist aðili að bókuninni með erindaskiptum við aðildarríki bókunarinnar 1. desember 1955. Færeyjar gerðust aðili að bókuninni 1. janúar 1966. Bókunin er ekki til í íslenskri þýðingu þar sem íslenska er ekki eitt opinberra mála bókunarinnar. Hér birtist því dönsk útgáfa bókunarinnar og fyrir neðan hana birtast erindaskipti sænskra og íslenskra yfirvalda í tengslum við aðild Íslands að bókuninni sem dæmi um erindaskipti Íslands og aðildarríkja bókunarinnar.
  • Öresund Direkt (Samtök)

    Öresund direkt er upplýsingaþjónusta, sem miðlar opinberum upplýsingum til almennings og atvinnulífs á Eyrarsundssvæðinu.
  • Upplýsingaþjónustan Halló Norðurlönd (Samtök)

    Halló Norðurlönd er upplýsingaþjónusta Norrænu ráðherranefndarinnar. Markmiðið er að auðvelda hreyfanleika einstaklinga á milli Norðurlandanna. Á vefsíðunni eru reglur sem gilda fyrir þá sem flytja til, stunda nám eða starfa í norrænu ríkjunum. Einnig er hægt að senda in spurningar um sérstök mál á sænsku, dönsku, norsku, finnsku og íslensku.

 

Viltu spyrja Halló Norðurlönd?

Spurningar um flutning, vinnu og nám á Norðurlöndunum má senda með því að fylla út rafrænt eyðublað. Spurningum er svarað af starfsfólki upplýsingaþjónustunnar Halló Norðurlönd.