Skattar í Danmörku
Eftirfarandi eru upplýsingar um hvenær skattar greiðast í Danmörku og uppbyggingu danska skattkerfisins.
Mismunandi tegundir tekna
Í Danmörku greinir skattstjóri milli mismunandi tegunda tekna:
A-tekjur (A-indkomst)
A-tekjur eru t.d laun, dagpeningar, eftirlaun, þóknun, orlof og námsstyrkur frá hinu opinbera (SU).
Þegar A-tekjur eru greiddar hefur vinnuveitandi eða það opinbera stjórnvald sem greitt hefur upphæðina tekið A-skatt af greiðslunni.
Venjulegir launþegar greiða einnig skatt af persónulegum tekjum, eins og t.d. framfærslueyri og fjármagnstekjum svo sem vaxtatekjum, leigutekjum, ásamt A-skattinum.
B-tekjur
B-tekjur eru t.d. þóknum fyrir fyrirlestra. Þegar B-tekjur eru greiddar, er öll upphæðin greidd út.
Skattskyldar tekjur
Við útreikning skatta er tekið tillit persónulegra tekna og fjármagnstekna. Þar að auki er tekið tillit til frádráttar, t.d. greiðslna í stéttarfélag, atvinnuleysistryggingasjóð og kostnaðar við akstur í tengslum við atvinnu. Atvinnufrádráttur (Beskæftigelsesfradraget), er frádráttur sem SKAT reiknar.
Persónulegar tekjur
Persónulegar tekjur eru laun, dagpeningar, eftirlauun, námsstyrkir, þóknanir, styrkir, framfærslulífeyrir ásamt hlunnindum sem felast í ókeypis húsnæði, síma, vinnubíl og öðrum starfsmannahlunnindum.
Frá persónlegum tekjum má draga 46.000 danskar krónur (2009 og 2010) vegna þeirra iðgjalda sem greidd eru í frjálsan lífeyrissparnað. Greiðslur í lífeyrissjóð sem vinnuveitandi sér um, hafa þegar verið dregnar frá þeim launum sem fram koma á tekjuyfirliti.
Launamiða fær launþegi einu sinni á ári frá vinnuveitanda eða frá því stjórnvaldi sem greiðir.
Fjármagnstekjur
Fjármagnstekjur skiptast í tekjur og gjöld. Skattur er greiddur af tekjunum.
Það eru t.d. vaxtatekjur af bankainnstæðum, vaxtatekjur af hlutabréfum og skuldabréfum, leigutekjur af húsnæði, nettóleigutekjur af útleigu sumarhúss eða herbergis og arður af fjárfestingafélögum.
Gjöldin eru m.a. vaxtagjöld af skuldum við íbúðalánasjóði, fjármálastofnanir, skuldabréfum, námslánum og öðrum skuldum. Þau er hægt að draga frá skatti.
Vaxtagjöld eru færð á álagningarseðilinn.
Skattur í Danmörku
Danska skattakerfið er stigskipt. Það þýðir að því meira sem einstaklingar hafa í tekjur, þeim mun hærri prósentu greiða þeir í beina skatta.
Skatturinn skiptist í ríkisskatta:
- Grunnskattur (Bundskat): Grunnskattur er 3,67 prósent (2010) af tekjum umfram persónuafsláttinn sem er 42.900 kr. ef viðkomandi er eldri en 18 ára (2010). Grunnskatturinn reiknast af persónulegum tekjum.
- Hátekjuskattur (Topskat): Hátekjuskattur er 15 prósent. Hátekjuskattur greiðist af tekjum umfram 389.900 kr. (2010).
- Heilbrigðisgjald: Heilbrigðisgjald er 8 prósent og reiknast af skattskyldum tekjum.
- Vinnumarkaðsgjald: Vinnumarkaðsgjald er 8 prósent og dregst frá launatekjum áður en aðrir skattar reiknast.
Auk ríkisskatta eru:
- Útsvar (Kommuneskat): Skatturinn er mismunandi eftir sveitarfélögum. Útsvarið reiknast af skattskyldum tekjum. Meðalútsvar er 24,9 prósent (2010).
- Kirkjuskattur ef viðkomandi er meðlimur í þjóðkirkjunni
- Fasteigna- og fasteignavirðisskattur (ejendomsværdiskat ) ef viðkomandi á eigið húsnæði.
Álagningarseðill
SKAT gerir álagningarseðill sem byggir á upplýsingum frá vinnuveitanda, fjármálstofnun og íbúðalánasjóði, en einnig á upplýsingum frá einstaklingum sjálfum, ef þeir senda inn upplýsingar í gegnum vegáttina: Tidlig indberetning í TastSelv frá 1.-18. febrúar.
Ef einstaklingar eru með breytingar á álagningaseðli skulu þeir sjálfir gera SKAT viðvart. Að því loknu fá þeir nýjan álagningarseðil.
Nánari upplýsingar
Nánari upplýsingar um skatta í Danmörku á vefsíðu: SKAT.
Nánari upplýsingar um skatta í norænu ríkjunum og norræna skattasamninga eru á norrænu skattagáttinni: Nordisk eTax.
