Stéttarfélög gæta faglegs réttar félaga sinna á vinnustað.

Eitt af mikilvægustu verkefnum stéttarfélaga er tryggja að allir vinnustaðir eigi aðild að kjarasamningum og að taka þátt í því að bæta kjarasamninga, þar með talið að leysa vandamál sem tengjast launamálum.

Þeir sem leita upplýsinga um réttindi og skyldur launþega, geta haft samband við samtök stéttarfélaga eða það stéttarfélag sem tengist greininni eða fagsviði.

Skattafrádráttur vegna stéttarfélagsgjalda

Félagar greiða félagsgjald til stéttarfélagsins.

Launþeginn á rétt á skattafrádrátti vegna félagsgjalda. Oft er þetta forskráð í skattskýrslunni.

Nánari upplýsingar um upphæð félagsgjalds sem er frádráttarbær frá skatti eru á vefsíðu Skattstjóra

Samtök stéttarfélaga

Stéttarfélög eru aðilar að samtökum stéttarfélaga, sem einnig eru aðilar að enn stærri samtökum.

Samtök stéttarfélaga sjá til að mynda um kjaraviðræður.

Í Danmörku eru þrjú aðalsamtök:

• Landsorganisationen i Danmark (LO) eru stærstu samtök stéttarfélaga í Danmörku. Í LO eru bæði stéttarfélag opinberra starfsmanna og starfsmanna einkafyrirtækja í þeim eru faglærðir starfsmenn, verkamenn og almennt skrifstofufólk.
• Funktionærernes og Tjenestemændenes Fællesråd (FTF) er fyrst og fremst stéttarfélag fyrir almennt skrifstofufólk hjá hinu opinbera og embættismenn.
• Akademikernes Centralorganisation (AC) er stéttarfélag háskólamenntaðra hjá hinu opinberaog í einkageiranum.

Samtök stéttarfélaga geta gefið einstaklingum upplýsingar um hvaða stéttarfélag tengist ólíkum greinum og fagsviðum.