Document Actions

Býrð þú í fleiri löndum?

Fyrir einstaklinga sem búa bæði í Svíþjóð og í öðru landi gilda eftirfarandi reglur.

Ef þú býrð bæði í Svíþjóð og erlendis getur verið um tvöfalda búsetu að ræða. Um tvöfalda búsetu er að ræða þegar þú býrð að minnsta kosti einn sjöunda af tímanum í Svíþjóð og í öðru landi. Til dæmis þegar þú:

  • gistir a.m.k. eina nótt í viku í Svíþjóð og eina nótt erlendis
  • gistir a.m.k. tvær nætur í Svíþjóð hálfsmánaðarlega og tvær nætur erlendis
  • gistir a.m.k. fjórar nætur í Svíþjóð mánaðarlega og fjórar nætur erlendis

Skráð lögheimili hefur fyrst og fremst áhrif á fjölskyldu- og atvinnustöðu þína. Undir venjulegum kringumstæðum er lögheimili skráð þar sem þú býrð ásamt fjölskyldu þinni (maka/sambýlingi eða barni). Heilsársnám telst vera starf þegar lagt er mat á atvinnustöðu þína.

Þú fellur alltaf undir tryggingakerfið í því landi sem þú vinnur í. Þeir sem starfa í mörgum löndum eru venjulega félagslega tryggðir í búsetulandinu.

Aðild að atvinnuleysistryggingasjóði tengist alltaf því landi, sem starfað er í. Ef þú starfar í tveimur löndum og ert ekki viss um hvar þú átt að vera aðili að atvinnuleysistryggingasjóði, hafðu þá samband við sjóðinn og leitaðu ráðgjafar.

Tengt efni
  • Upplýsingaþjónustan Halló Norðurlönd (Samtök)

    Halló Norðurlönd er upplýsingaþjónusta Norrænu ráðherranefndarinnar. Markmiðið er að auðvelda hreyfanleika einstaklinga á milli Norðurlandanna. Á vefsíðunni eru reglur sem gilda fyrir þá sem flytja til, stunda nám eða starfa í norrænu ríkjunum. Einnig er hægt að senda in spurningar um sérstök mál á sænsku, dönsku, norsku, finnsku og íslensku.
  • Öresund Direkt (Samtök)

    Öresund direkt er upplýsingaþjónusta, sem miðlar opinberum upplýsingum til almennings og atvinnulífs á Eyrarsundssvæðinu.
  • Landamæraþjónustan (Samtök)

    Landamæraþjónustan er samstarf stjórnvalda í Svíþjóð og Noregi um landamæramál. Meginverkefni landamæraþjónustunnar er að svara spurningum einstaklinga og fyrirtækja sem stunda starfsemi af einhverju tagi yfir landamæri þjóðanna.

 

Viltu spyrja Halló Norðurlönd?

Spurningar um flutning, vinnu og nám á Norðurlöndunum má senda með því að fylla út rafrænt eyðublað. Spurningum er svarað af starfsfólki upplýsingaþjónustunnar Halló Norðurlönd.