Um Norrænu ráðherranefndina um atvinnumál, orkumál og byggðastefnu
Samstarf Norðurlandanna á sviði atvinnumála, orkumála og byggðastefnu miðar að því að tryggja áframhaldandi hagvöxt á svæðinu. Með uppbyggingu nýskapandi atvinnulífs er ætlunin að tryggja samkeppnishæfni svæðisins áfram, án þess að hún verði á kostnað umhverfisins, loftslagsins eða samfélagsins í heild.
Í samstarfinu er lögð sérstök áhersla á
- Að byggja upp atvinnulíf þvert á landamæri með því að afnema stjórnsýsluhindranir fyrirtækja
- Að efla nýsköpunina í norrænum fyrirtækjum og norrænt samstarf um nýsköpunarstefnu
- Að efla samstarf við grannríki Norðurlandanna
- Að tryggja jafnvægi í svæðisbundinni þróun
Og á orkusviðinu
- Að tryggja næga orku
- Samræming norræna raforkumarkaðarins
- Að efla þróun sjálfbærra orkugjafa
- Að Norðurlönd verði í fararbroddi þróunar á alþjóðavettvangi
Norrænu ráðherrarnir sem fara með málefni atvinnu-, orku- og byggðastefnu stýra samstarfinu. Þeir funda a.m.k. einu sinni á ári og ræða þá og hefja samstarf á sviðum sem hafa norrænt gildi.
Embættismannanefndin um atvinnu- og orkumál ásamt embættismannanefndinni um byggðastefnu, sem í eiga sæti fulltrúar frá öllum löndunum, stýrir starfinu. Nefndin fundar 4 til 5 sinnum á ári til að undirbúa þær tillögur sem lagðar eru fyrir ráðherranna.
Skrifstofa Norrænu ráðherranefndarinnar í Kaupmannahöfn sér um dagleg störf og framkvæmd norræna ríkisstjórnarsamstarfsins.
Ein af deildum skrifstofunnar er deild Vaxtar og loftslagsmála, en hún undirbýr mál sem tekin eru fyrir í ráðherranefndinni um atvinnumál, orkumál og byggðastefnu og í embættismannanefndunum.
Skrifstofan sér einnig stundum um að ákvarðanir sem teknar eru í ráðherranefndinni séu framkvæmdar.
Fjöldi stofnana og nefnda á sviðinu eru fjármagnaðar og styrktar af ráðherranefndinni um atvinnulíf, orkumál og byggðastefnu.
