Document Actions
Vinnuhópar
Vinnuhópar innan Norrænu ráðherranefndarinnar um fiskveiðar og fiskeldi, landbúnað, matvæli og skógrækt (MR-FJLS) .
- Vinnuhópur um sjávarútvegssamstarfið (AG-Fisk)
- AG-Fisk var sett á laggirnar árið 2009 og tekur við hluta starfa fyrrum vinnuhópa NAF og MiFi. AG-Fisk er starfsvettvangur EK-FJLS (sjávarútvegur og fiskeldi) og hefur umsjón með verkefnum embættismannahópsins. Verkefni AG-Fisk er fyrst og fremst að koma í framkvæmd þeirri stefnu sem EK-FJLS (sjávarútvegur og fiskeldi) og Norræna ráðherranefndin marka, en einnig að vera ráðgefandi fyrir EK-FJLS (sjávarútvegur og fiskeldi) og Norrænu ráðherranefndina.
- Norrænn vinnuhópur um næringu, mat og eiturefnafræði (NKMT)
- Vinnuhópurinn ber ábyrgð á framkvæmd "Norrænnar áætlunar um bætta heilsu og lífsgæði með bættri fæðu og hreyfingu".
- Norrænn vinnuhópur um matvæli og upplýsingar til neytenda (NMF)
- Vinnuhópurinn ber ábyrgð á verkefnum á sviði matvæla- og neytendamála, sem felast meðal annars í lagasetningum, eftirliti, merkingum og upplýsingum til neytenda.
- Norrænn vinnuhópur um örverufræði, dýraheilbrigði og dýravelferð(NMDD)
- Verkefni vinnuhópsins er að tryggja samstarf norrænna stjórnvalda, sem annars vegar fara með málefni er varða dýravernd og hins vegar matvæli.
- Norræna aðferðafræðinefndin um matvæli (NMKL)
- Nefndin vinnur greiningaraðferðir og leiðbeiningar auk þess að halda námskeið á sviðinu um matvælagreiningu. Jafnframt er nefndin tengslanet norrænna matvælagreinenda.
