Document Actions

Vatn, náttúra og mannfólk: Formennskuáætlun Finnlands í Norrænu ráðherranefndinni 2016

Meginþemu formennsku Finna eru vatn, náttúra og mannfólk.

Norrænt samstarf er afar mikilvægt fyrir norrænu löndin, þar á meðal Finnland. Jafnframt er það mikilvægur þáttur í evrópsku og alþjóðlegu samstarfi, en markmið þess eru öflug Norðurlönd í öflugri Evrópu. Með samstarfi Norðurlanda er reynt að efla sameiginlega hagsmuni og gildi landanna. Sameiginleg markmið og gildi styrkja stöðu Norðurlanda sem svæðis þar sem nýsköpun og samkeppnishæfni er á heimsmælikvarða.

Meginþemu formennsku Finnlands eru vatn, náttúra og mannfólk. Í formennskutíð sinni vilja Finnar efla starf gegnum tengslanet með raunhæfum markmiðum og verkefnum. Markmið okkar er að auka áhuga fólks á norrænu samstarfi og mikilvægi þess, ekki síst með tilliti til atvinnulífs og borgaralegs samfélags.