Á eyjunum er mikið um kletta og engi en einnig stór svæði vaxin furuskógi. Tæplega níu prósent af landsvæði Álandseyja er ræktanlegt land.

Álandseyjar eru minnsta sjálfstjórnarsvæðið á Norðurlöndum, en þar búa tæplega 28.000 íbúar. Einn þriðji íbúanna býr í höfuðstaðnum Mariehamn. Sænska er opinbert tungumál á Álandseyjum.

Álandseyjar eru hluti af lýðveldinu Finnlandi, en eyjarnar njóta sjálfstjórnar. Á þeim sviðum sem Álandseyjar eru með eigin löggjöf, eru eyjarnar í raun sem sjálfstætt ríki.

Á Álandseyjum er enginn her og landið er hlutlaust. Þing Álandseyja nefnist Lögþing og er æðsta yfirvald svæðisins.

Álandseyjar eiga aðild að ESB og evran er gjaldmiðill, eyjarnar njóta þó sérstöðu gagnvart ESB: Til þess að viðhalda hinni mikilvægu tollfrjálsu sölu um borð í skipunum sem sigla milli Finnlands og Svíþjóðar eru Álandseyjar ekki hluti af virðirsaukaskattssamstarfinu.

Siglingar og ferjuumferð, ferþaþjónusta og vinnsla landbúnaðar- og sjávaráfurða eru mikilvægar tekjulindir fyrir Álandseyjar.