Grænland er stærsta eyja heims og nær áttatíu prósent landsins er þakið jökli. Íslausa svæðið er nær eins stórt og Svíþjóð, en aðeins mjög lítill hluti þess er ræktanlegt.

Á Grænlandi búa tæplega 57.000 manns og rúmlega 15.000 þeirra búa í höfuðstaðnum Nuuk.

Grænland er hluti konungsríkisins Danmerkur, en hefur sjálfstjórn að miklu leyti, sem var aukin árið 2009. Sjálfstjórnin nær ekki til málefna eins og utanríkis- og varnarmála og gjaldeyrisstefnu.

Grænland er ekki aðili að ESB, en hefur gert sérstaka samninga um fiskveiðar og hefur verið viðurkennt sem landsvæði með sérstök tengsl við ESB.

Sel- og hvalveiðar, fiskveiðar og skotveiðar eru langmikilvægustu tekjulindir Grænlendinga. Ferðaþjónusta fer einnig vaxandi og þar er einnig talsverð námavinnsla.

Þjóðarframleiðsla var 25.000 evrur á hvern íbúa (2006).

^{1 Sveitarfélagið Nuuk}