Samstarf um byggðastefnu á Norðurlöndum
Norðurlöndin eru svæði sem eru um margt ólík bæði hvað varðar íbúafjölda og stærð. Frá þéttbýlum borgum til strjálbýlla svæða í Norður-Atlantshafi og á Norðurskautssvæðinu. Engu að síður er löng hefð fyrir samstarfi um byggðastefnu, meðal annars vegna sameiginlegrar sögu, menningar og þess sem er líkt í félagslegum velferðarkerfum okkar og lýðræðislegum stjórnunarháttum. Markmið svæðasamstarfs á Norðurlöndum er að auka hagvöxt og bæta lífskjör á öllum svæðum, miðað við möguleika og þarfir hvers svæðis. Markmiðið er að stuðla að þróun nýsköpunarhæfni og hagvexti á svæðinu.
