Styrkir Norrænu ráðherranefndarinnar um vinnumál

Vinnumálanefndin veitir styrki til norrænna verkefna á sviði vinnumála. Styrkirnir eru ætlaðir til greiningarverkefna, ráðstefna eða þemafunda sem stuðla að því að efla samstarf Norðurlanda um gagnkvæma miðlun reynslu á sviði vinnumála. Vinnumálanefndin styrkir verkefni sem hafa norrænt markmið og ná til að minnsta kosti þriggja landanna. Einnig er talið æskilegt að Álandseyjar, Færeyjar og Grænland komi þar að málum.

Almennar leiðbeiningar og upplýsingar um styrki

Nefndin biður umsækjendur að kynna sér eftirfarandi upplýsingar áður en þeir senda umsóknir til ritara vinnumálanefndarinnar. Í framhaldinu er hægt að fá nánari upplýsingar hjá nefndarritaranum. Hér á síðunni eru tenglar á umsóknareyðublað og leiðbeiningar um styrki sem nefndir Norrænu embættismannanefndarinnar um vinnumál (EK-A) veita.

Umsóknareyðublöð um styrki vinnumálanefndar

Vinnumálanefndin auglýsir enga styrki til umsóknar eins og er.