Að flytja frá Finnlandi til annars lands

Hér er sagt frá þeim ráðstöfunum sem gera þarf í Finnlandi áður en flutt er þaðan til annars lands. Ráðstafanir hverju sinni velta meðal annars á því hvort flutt er til skemmri eða lengri tíma.

Þegar flutt er frá Finnlandi til annars lands er að mörgu að huga. Hér að neðan eru upplýsingar um hvernig á að tilkynna flutninga, breyta skráningu í þjóðskrá, skráningu almannatrygginga, aðild að atvinnuleysissjóði og ýmislegt sem hafa þarf í huga varðandi búslóð og farangur.

Að tilkynna flutninga í Finnlandi

Sé flutt til skemmri tíma, en þó lengur en til þriggja mánaða, þarf ávallt að tilkynna flutninga til finnsku stofnunarinnar um stafræna væðingu og lýðfræðigögn (Digi- ja väestötietovirasto) og finnsku almannatryggingastofnunarinnar (Kela). Að sjálfsögðu þarf einnig að tilkynna flutninga sem hugsaðir eru til lengri tíma.

Að flytja frá Finnlandi til annars lands (Þjóðskrá Finnlands og stofnun um staf…

Millilandaflutningar – Finnska almannatryggingastofnunin (Kela)

Skráning í þjóðskrá í nýju búsetulandi

Samkvæmt Norðurlandasamningnum um almannaskráningu getur hver íbúi á Norðurlöndum aðeins verið skráður í þjóðskrá eins norræns lands í einu. Tilhögun skráningar er ávallt í samræmi við reglur þess lands sem flutt er til. Í nýja landinu þarf að skrá sig í þjóðskrá ef:

dvalið er á Grænlandi lengur en þrjá mánuði
dvalið er í Noregi, Danmörku, á Íslandi eða í Færeyjum lengur en sex mánuði
dvalið er í Svíþjóð lengur en tólf mánuði

Búir þú samtímis í tveimur mismunandi löndum ber þér að skrá þig í þjóðskrá þess lands sem þú verð mestum tíma í (minnst 183 dögum á ári). Nánari upplýsingar um skráningu í þjóðskrá í norrænu löndunum eru á upplýsingasíðum um skráningu í þjóðskrá í Svíþjóð, Noregi, Danmörku, á Íslandi, í Færeyjum og á Grænlandi.

Skráning í þjóðskrá í Svíþjóð

Þjóðskrá í Noregi

Skráning í þjóðskrá í Danmörku

Þjóðskrá á Íslandi

Skráning í þjóðskrá í Færeyjum

Þjóðskrá á Grænlandi

Almannatryggingar

Sé flutt til annars lands frá Finnlandi á ávallt að tilkynna finnsku almannatryggingastofnuninni (Kela) það sérstaklega. Kela ákvarðar á grundvelli tilkynningar þinnar hvort þú getur áfram átt aðild að finnskum almannatryggingum meðan á dvöl í öðru landi stendur. Nánari upplýsingar um það í hvaða landi þú átt aðild að almannatryggingum eftir millilandaflutninga eru á síðunni Almannatryggingakerfi hvaða lands tilheyrir þú? Ef þú hefur átt aðild að almannatryggingum í Finnlandi og flytur svo til annars lands vegna vinnu getur þú flutt uppsafnaðan rétt til atvinnuleysisbóta í Finnlandi með þér til nýja starfslandsins. Nánari upplýsingar eru á síðunni Atvinnuleysisbætur í Finnlandi.

Millilandaflutningar – Finnska almannatryggingastofnunin (Kela)

Almannatryggingakerfi hvaða lands tilheyrir þú?

Atvinnuleysisbætur í Finnlandi

Þá er komið að reglum sem snerta mismunandi hópa:

Skattlagning

Almenna reglan er sú að þú greiðir skatt í því landi sem þú býrð eða aflar tekna í. Búir þú í öðru landi en tekna er aflað í geta tekjurnar haft áhrif á skattlagningu þína í búsetulandinu. Þess vegna þarftu að greina skattayfirvöldum í bæði búsetulandinu og starfslandinu frá þeim tekjum sem þú aflar þér. Nánari upplýsingar um skattlagningu eru á norrænu skattagáttinni Nordisk eTax og á síðum norrænu landanna um skattamál.

Norræna skattagáttin (Nordisk eTax)

Skattar í Finnlandi

Skattar í Svíþjóð

Skattlagning í Noregi

Skattlagning í Danmörku

Skattar á Íslandi

Skattar á Álandseyjum

Skattar í Færeyjum

Skattar á Grænlandi

Annað sem hafa þarf í huga

Flutt með búslóð

Upplýsingar um flutning á búslóð til nýs búsetulands eru hér fyrir neðan. Litið er á flutninga til Álandseyja sem flutninga innan Finnlands.

Flytjir þú frá Finnlandi til norræns lands eða sjálfstjórnarsvæðis sem ekki er í Evrópusambandinu (Noregs, Íslands, Færeyja eða Grænlands) þarftu að senda tollinum innflutningstilkynningu vegna búslóðarflutninga. Frjálst er að flytja með búslóð milli Evrópusambandslanda og óþarfi að tilkynna tollinum sérstaklega um slíkt.

Tollareglur í Svíþjóð

Tollareglur í Noregi

Tollareglur í Danmörku

Tollareglur á Íslandi

Tollareglur í Færeyjum

Tollareglur á Grænlandi

Að flytja frá Finnlandi til lands utan ESB (Tulli, finnsk tollayfirvöld)

Innflutningur gæludýra til Grænlands

Ökutæki

Flytjir þú til annars norræns lands með bíl eða annað ökutæki getur þú þurft að skrá ökutækið í nýja landinu. Fólk með búsetu í einu landi en tímabundna dvöl í öðru landi má nota ökutæki sem skráð er í heimalandinu að vissum skilyrðum uppfylltum. Nánari upplýsingar um þessi skilyrði eru hér fyrir neðan.

Ökutæki í Svíþjóð

Ökutæki í Noregi

Ökutæki í Danmörku

Ökutæki á Íslandi

Ökutæki á Álandseyjum

Ökutæki í Færeyjum

Ökutæki á Grænlandi

Ökuskírteini

Finnskt ökuskírteini veitir ökuréttindi alls staðar á Norðurlöndum í þeim ökutækjaflokki sem merktur er á kortið. Nánari upplýsingar eru hér fyrir neðan.

Ökuskírteini í Svíþjóð

Ökuskírteini í Noregi

Ökuskírteini í Danmörku

Ökuskírteini á Álandseyjum

Ökuskírteini í Færeyjum

Ökuskírteini á Grænlandi