Æðri menntun á Grænlandi

Young people in Nuuk
Ljósmyndari
Mads Schmidt Rasmussen / norden.org
Hér er að finna yfirlit yfir þá æðri menntun, eða menntun á háskólastigi, sem stendur til boða á Grænlandi.

Á Grænlandi er hægt að sækja um æðri menntun að loknu stúdentsprófi (GUX). Á Grænlandi er greint á milli þriggja menntaleiða á háskólastigi: stuttrar, meðallangrar og langrar æðri menntunar.

Stutt æðri menntun, 2-3 ár

Hluti þeirra stuttu æðri menntunar sem stendur til boða eru svonefndar „akademiuddannelser“ (AU), sem undirbúa námsmenn til ákveðinna starfa, til dæmis innan verslunar, fjármála, stjórnsýslu, tölvutækni, flutninga/skipulags og þjónustu. Einnig er til leiðsögumannanám með sérstaka áherslu á ferðamennsku á norðurslóðum.

Þær styttri námsleiðir sem í boði eru á Grænlandi eru ýmist kenndar í skóla eða gegnum verknám. Almennt er það inntökuskilyrði að hafa lokið GUX, en hægt er að gera undantekningu frá því sé viðkomandi með tengda starfsreynslu.

Stutt æðri menntun er í boði hjá eftirfarandi stofnunum:

  • Campus Kujalleq í Qaqortoq
  • INUILI, Matvælaskólinn í Narsaq
  • Niuernermik Ilinniarfik, Viðskiptaskóli Grænlands í Nuuk
Meðallöng æðri menntun, 3–4,5 ár

Á Grænlandi er hægt að stunda bakkalárnám (B.A: eða B.Sc.) við ýmsar námsleiðir sem sameina bókleg fræði og verkmiðað nám og eru með innbyggt starfsnám í námsferlinu. Bakkalár til starfsréttinda er hnitmiðað nám fyrir ákveðnar starfsgreinar, til dæmis kennaranám, hjúkrunarfræði, blaðamennsku, félagsráðgjöf, túlkun, lyfjafræði og svo framvegis.

Meðallöng æðri menntun stendur til boða hjá:

  • Ilisimartusarfik, Háskóli Grænlands í Nuuk
  • Niuernermik Ilinniarfik, Viðskiptaskóli Grænlands í Nuuk
  • KTI í Sisimiut
  • Kennaraháskóli félagskennslufræða í Ilulissat
Löng æðri menntun, 5–6 ár

Löng æðri menntun á Grænlandi samanstendur af bakkalár- og meistaranámi hjá Ilisimartusarfik, Háskóla Grænlands í Nuuk. Bakkalárinn (B.A./B.Sc.-próf) er breitt grunnnám í bóklegum fögum og margir velja því að halda áfram í meistaranám til þess að sérhæfa sig á sínu sviði.

Bakkalár- og meistaranám er aðeins í boði hjá Ilisimartusarfik, Háskóla Grænlands í Nuuk.

Þar eru B.A./B.Sc-námsleiðir í:

  • Viðskiptafræði
  • Lögfræði
  • Menningar- og samfélagsfræðum
  • Samfélagsfræði
  • Tungumálum, bókmenntum & fjölmiðlum
  • Guðfræði

Meistaranám í:

  • Menningar- og samfélagsfræðum
  • Samfélagsfræði
  • Tungumálum, bókmenntum & fjölmiðlum
  • Vestnorrænum fræðum
Doktorsnám á rannsóknasviði

Ilisimartusarfik, Háskóli Grænlands, og náttúrufræðistofnun Grænlands bjóða í sameiningu upp á 3ja ára rannsóknarnám, sem lýkur með doktorsgráðu. Doktorsnámsstöður eru í boði innan eftirfarandi greina: Raunvísinda, félagsvísinda og hugvísinda.

Norrænir ríkisborgarar sem vilja stunda nám á Grænlandi

Norrænir ríkisborgarar geta stundað nám á Grænlandi til jafns við grænlenska námsmenn. Hægt er að sækja um endurgjaldslaust nám í grænlenskum menntastofnunum.

Ef óskað er eftir því að taka eina önn í Nuuk býður Ilisimatusarfik, Háskóli Grænlands, upp á námspláss fyrir skiptinema. Í boði eru námskeið á dönsku, grænlensku og ensku. Skiptinemar hvarvetna að úr heiminum geta fengið námspláss en norrænir ríkisborgarar geta sótt um í gegnum Erasmus+ eða Nordplus, sem gefur forgang. Hafið samband við námsráðgjafa í eigin háskóla til þess að fá ráðgjöf.

Grænlenskur námsstyrkur

Ákveðin skilyrði gilda fyrir veitingu fjárhagsaðstoðar á Grænlandi. Viðkomandi á að vera:

  • Danskur ríkisborgari
  • Búsett/ur á Grænlandi
  • Skráð/ur í háskólanám og virk/t/ur í námi

Danskir og færeyskir námsmenn uppfylla kröfurnar ef þeir eru búsettit á Grænlandi og virkir í námi. Uppfylli viðkomandi ekki kröfurnar er mögulegt að sækja um undanþágu, ef hægt er að sýna fram á sérstaka tengingu við Grænland.

Í flestum tilfellum er í staðinn hægt að fá námsstyrk frá heimalandi sínu.

Stúdentagarðar á Grænlandi

Í öllum námsbæjum á Grænlandi er boðið upp á stúdentagarða. Stúdentagarðar eru undir umsjón hverrar námsstofnunar fyrir sig.

Í Nuuk eru flestir stúdentagarðar undir umsjón sameiginlegrar skrifstofu stúdentagarða (KAF).

Þegar búið er að bjóða námspláss á Grænlandi getur neminn fengið leiðsögn í því að sækja um á stúdentagarði hjá skrifstofu sinnar námsstofnunar.

Nánari upplýsingar

Spurning til Info Norden

Ef þú ert með spurningu skaltu fylla út eyðublaðið hérna:

ATH: Ef spurningin þín varðar afgreiðslu tiltekins máls eða umsóknar eða annarra persónulegra mála skaltu hafa samband við viðkomandi yfirvald.

Info Norden er upplýsingaþjónusta Norrænu ráðherranefndarinnar. Við gefum upplýsingar til fólks sem vill flytja, vinna, stunda nám, leita styrkjum eða hefja rekstur í öðru norrænu landi.
Leitaðu að skrifstofu Info Norden hérna