Almannatryggingar þegar komið er til starfa í Finnlandi

Hyggstu flytja til Finnlands vegna vinnu?

Flutningar til Finnlands vegna vinnu veita að jafnaði rétt til finnskra almannatrygginga frá upphafi vinnutímabils. Þú átt þó aðeins rétt á almannatryggingum þá mánuði sem tekjur hafa numið tiltekinni lágmarksupphæð (696,60 evrur á mánuði árið 2019).

Skorið er úr um rétt á almannatryggingum og bótum frá Kela á grundvelli umsóknar.

Flytur maki eða barn með þér til Finnlands?

Flytjir þú varanlega til Finnlands vegna vinnu og takir með þér maka og/eða börn undir lögaldri sem ekki stunda vinnu, geta fjölskyldumeðlimir þínir átt rétt á bótum og öðrum almannatryggingagreiðslum frá Kela ef líta má svo á að þau hafi fasta búsetu í Finnlandi.

Ef foreldrar barns undir lögaldri vinna í sitthvoru landinu heyrir barnið undir almannatryggingar í sínu búsetulandi.

Starfar þú í Finnlandi en býrð í öðru norrænu landi?

Búir þú í öðru norrænu landi og hefjir störf í Finnlandi gilda sömu reglur um almannatryggingar fyrir þig og annað fólk sem hefur störf i Finnlandi.

Starfar þú samtímis í Finnlandi og einhverju öðru landi?

Starfi fólk samtímis í fleiri en einu landi er það vanalega tryggt í búsetulandinu. 

Starfar þú tímabundið í Finnlandi fyrir erlendan vinnuveitanda?

Þegar vinnuveitendur í öðrum norrænum löndum senda starfsmenn til Finnlands vegna tímabundinna verkefna Nánari upplýsingar veitir almannatryggingastofnun í þínu búsetulandi.