Atvinnurekstur í Finnlandi

Tenglarnir á þessari síðu geta gagnast fyrirtækjum sem vilja ryðja sér til rúms á finnskum markaði. Neðst í þessari grein eru upplýsingar fyrir finnska atvinnurekendur sem hyggja á viðskipti við önnur lönd eða að útvíkka starfsemi sína til annarra norrænna landa.

Á vefgáttinni Your Europe er hægt að kynna sér nánar þær reglur sem gilda þegar fyrirtæki er stofnað í öðru ESB- eða EES-landi. Enterprise Europe Network er tengslanet aðila sem geta aðstoðað í málum er varða evrópskan markað.

Á þjónustuvefnum Suomi.fi og vefsvæðinu Yrittäjät er mikið af upplýsingum um stofnun fyrirtækja. Að auki veitir miðstöðin fyrir nýja atvinnurekendur, Uusyrityskeskus, öllum ráðgjöf um atvinnurekstur án endurgjalds.

Erlent fyrirtæki með starfsemi í Finnlandi getur átt ýmsum skyldum að gegna, til dæmis skattskyldu og ýmsum skyldum sem vinnuveitendur. Nánari upplýsingar eru á síðu finnskra skattyfirvalda (Verohallinto).

Ef þú hefur stofnað fyrirtæki í Finnlandi og vilt færa út kvíarnar til fleiri landa skaltu kynna þér þjónustuvefinn Team Finland. Þar hefur verið safnað saman upplýsingum um alla aðila með fjármögnun frá hinu opinbera sem veita þjónustu á sviði alþjóðavæðingar. Þurfir þú ráð í tengslum við alþjóðavæðingu veitir ráðgjafarþjónusta Business Finland ráðleggingar á ólíkum sviðum alþjóðavæðingar í samræmi við þarfir viðskiptavinar og vaxtarstig fyrirtækis. 

Landamæraþjónustan á Norðurkollu veitir ráðgjöf þeim atvinnurekendum í Finnlandi sem vilja færa út kvíarnar til Svíþjóðar eða Noregs.

Ef þig vantar upplýsingar um stofnun fyrirtækis eða atvinnurekstur í Finnlandi skaltu byrja á að kynna þér þjónustuvefinn Suomi.fi.