Fyrirtæki í Svíþjóð

Istunnel
Ljósmyndari
Karin Beate Nøsterud/norden.or
Hér er að finna upplýsingar um stofnun fyrirtækis, mannaráðningar, sölu og verslun fyrir þig sem hyggst hefja atvinnurekstur í Svíþjóð.

Á Norden Business er að finna upplýsingar um hvernig þú hefur atvinnurekstur, ræður starfsfólk og rekur fyrirtæki á Norðurlöndum. Þar er einnig fjallað um sölu og verslun með vörur á norrænum mörkuðum og hvernig þú ræður til þín starfsfólk yfir landamæri Norðurlanda.

Á evrópsku vefgáttinni Your Europe geturðu kynnt þér reglur um stofnun fyrirtækis í öðrum ESB-/EES-löndum

Samstarfsnetið Enterprise Europe Network veitir svör við spurningum varðandi ESB og Evrópumarkað.

Að hefja rekstur í Svíþjóð

Ef þú hyggst hefja atvinnurekstur í Svíþjóð veita ýmsar opinberar stofnanir upplýsingar sem varða stofnun fyrirtækis, mannaráðningar og fyrirtækjarekstur. Þar færðu nákvæmar upplýsingar um hvernig þú undirbýrð atvinnurekstur, velur félagaform, velur firmaheiti, vinnur viðskiptaáætlun og skráir fyrirtækið.

Skatteverket

Ef þú ert búin/n að stofa fyrirtæki og ert með spurningar varðandi virðisaukaskatt, skattframtal, bókhald eða mannaráðningar geta skattyfirvöld í Svíþjóð orðið þér að liði ókeypis aðstoð: Þú finnur einnig upplýsingar sniðnar að erlendum fyrirtækjum sem starfa í Svíþjóð. Allir sem stunda atvinnurekstur þurfa að færa bókhald og skila ársreikningum (bokföring och bokslut).

Verksamt – vefsíða yfirvalda fyrir atvinnurekendur

Verksamt er þjónustugátt sænskra yfirvalda. Þar er að finna upplýsingar um hvernig þú velur félagaform, gerir viðskiptaáætlun og skráir fyrirtæki þitt. Hjá Verksamt geturðu einnig gert gátlista yfir allt sem þarf að muna þegar þú hefur atvinnurekstur og fundið upplýsingar sem eru sniðnar að þínum aðstæðum.

Ef þú ert erlendur ríkisborgari og hyggst hefja rekstur í Svíþjóð gilda mismunandi reglur eftir því hvort þú ert ríkisborgari í ESB-/EES-landi eða landi utan evrópska svæðisins. Nánari upplýsingar þar að lútandi er að finna í vegvísi Verksamt fyrir erlenda ríkisborgara.

Bolagsverket

Bolagsverket skráir fyrirtæki og breytingar á fyrirtækjum og tekur við ársreikningum. Þar geturðu einnig keypt og leitað að upplýsingum um fyrirtæki í skrám Bolagsverket.

Tryggingar í Svíþjóð

Þegar þú hefur rekstur í Svíþjóð er mikilvægt að þú kannir hvaða tryggingar þú þurfir fyrir þig persónulega, fyrir fyrirtækið og fyrir hugsanlegt starfsfólk. Hafðu samband við fleiri en eitt tryggingafélag og berðu tilboð þeirra saman áður en þú ákveður þig.

Försäkringskassan veitir upplýsingar um félagslegar tryggingar fyrir þig og starfsfólkið.

Leyfi í Svíþjóð

Þú þarft að ganga úr skugga um hvort fyrirtæki þitt krefjist leyfis, skráningar eða annarra tilkynninga til yfirvalda, sveitarfélaga eða annarra stofnana. Starfsleyfi og eftirlit er ýmist á vegum staðbundinna, svæðisbundinna eða landsbundinna yfirvalda, það er sveitarfélaga, svæðisyfirvalda, sýslumannsembætta, Datainspektionen (gagnavernd) eða Livsmedelsverket (matvælastofnunar).

Sænsk fyrirtæki á Norðurlöndum

Sænsk fyrirtæki sem hyggja á útrás eða viðskipti við útlönd geta fengið aðstoð hjá ýmsum yfirvöldum.

Business Sweden

Business Sweden veitir fyrirtækjum þjónustu á öllum stigum útrásar.

Enterprise Europe Network

Enterprise Europe Network veitir litlum og meðalstórum fyrirtækjum ókeypis aðstoð til að finna erlenda viðskiptafélaga, skilja ESB-tilskipanir og finna ESB-fjármögnun.

Exportkreditnämnden

Exportkreditnämnden greiðir fyrir sænskum útflutningi og útrás sænskra fyrirtækja.

Kommerskollegium

Kommerskollegium starfar sem embætti umboðsmanns og úrlausnarsetur þegar fyrirtæki rekast á hindranir í viðskiptum sínum við útlönd.

Patent- och registreringsverket

Patent- och registreringsverket veitir svör við spurningum varðandi einkaleyfi, vörumerki, hönnun og höfundarrétt.

Skatteverket

Skatteverket veitir svör við spurningum um skattlagningu, virðisaukaskatt og tolla á innflutning og útflutning.

Tullverket

Tullverket veitir upplýsingar um reglur þegar þú flytur inn vörur til Svíþjóðar eða flytur út vörur frá Svíþjóð.

Verksamt.se

Verksamt.se er þjónustugátt sænskra yfirvalda fyrir fyrirtæki.

Samband við yfirvöld
Spurning til Info Norden

Ef þú ert með spurningu skaltu fylla út eyðublaðið hérna:

ATH: Ef spurningin þín varðar afgreiðslu tiltekins máls eða umsóknar eða annarra persónulegra mála skaltu hafa samband við viðkomandi yfirvald.

Info Norden er upplýsingaþjónusta Norrænu ráðherranefndarinnar. Við gefum upplýsingar til fólks sem vill flytja, vinna, stunda nám, leita styrkjum eða hefja rekstur í öðru norrænu landi.
Leitaðu að skrifstofu Info Norden hérna