Háskólanám á Grænlandi

Møde for samarbejdsministrene i Grønland, marts 2015
Ljósmyndari
Bodil Tingsby
Hér er það helsta sem þú þarft að vita, hafir þú hug á að stunda háskólanám á Grænlandi.

Norrænir ríkisborgarar geta stundað nám á Grænlandi til jafns við grænlenska námsmenn. Hægt er að sækja um nám án endurgjalds í grænlenskum menntastofnunum.

Umsókn og inntökuferli

Til að fá inngöngu í grænlenska menntastofnun þarf að sjálfsögðu að uppfylla þær faglegu kröfur sem gerðar eru. Athugaðu að kunnátta í grænlensku kann að vera skilyrði. Einkum í verknámsgreinum fer kennslan að miklu leyti fram á grænlensku.

Hvort sem þú sækir um framhaldsskólanám, verknám eða háskólanám er ráðlegt að hafa samband við námsstofnunina fyrirfram til að fá réttar leiðbeiningar um umsóknarferlið.

Skiptinám

Viljir þú taka eina önn í Nuuk býður Ilisimatusarfik, Háskóli Grænlands, upp á námspláss fyrir skiptinema. Í boði eru námskeið á dönsku, grænlensku og ensku. Skiptinemar hvarvetna að úr heiminum geta fengið námspláss, en norrænir ríkisborgarar geta sótt um í gegnum Erasmus+ eða Nordplus sem gefur forgang. Hafið samband við námsráðgjafa í eigin háskóla til þess að fá ráðgjöf.

Stúdentagarðar

Í öllum námsbæjum á Grænlandi eru stúdentagarðar. Stúdentagarðar eru í umsjón hverrar námsstofnunar fyrir sig.

Í Nuuk eru flestir stúdentagarðar í umsjón sameiginlegrar skrifstofu stúdentagarða (KAF).

Þegar þér býðst námspláss á Grænlandi getur þú fengið leiðsögn í því að sækja um á stúdentagarði hjá skrifstofu þinnar námsstofnunar.

Grænlenskur námsstyrkur

Ákveðin skilyrði gilda fyrir veitingu námsstyrks á Grænlandi. Viðkomandi á að vera:

  • Danskur ríkisborgari
  • Búsett/ur á Grænlandi
  • Skráð/ur í háskólanám og virk/t/ur í námi

Danskir og færeyskir námsmenn uppfylla kröfurnar ef þau eru búsett í Grænlandi og eru virk í námi. Uppfylli viðkomandi ekki kröfurnar er hægt að sækja um undanþágu, ef hægt er að sýna fram á sérstaka tengingu við Grænland.

Í flestum tilfellum er í staðinn hægt að fá námsstyrk frá heimalandi sínu.

Námslán

Stundir þú nám á háskólastigi á Grænlandi getur þú sótt um námslán frá Sjálfsstjórninni til viðbótar við námsstyrkinn. Tvenns konar lán eru í boði:

  • Annarlán, sem hægt er að fá á hálfs árs fresti þegar ný önn er að hefjast
  • Eingreiðslulán, sem hægt er að fá einu sinni meðan á náminu stendur.

Viðurkennt nám

Áður en þú sækir um nám á Grænlandi skaltu athuga að sumar fagtengdar námsleiðir á Grænlandi eru ekki viðurkenndar annars staðar á Norðurlöndum. Þetta eru oftast námsleiðir í heilbrigðistengdum fögum og iðnfögum. Þú skalt því athuga vel hvort þú getir fengið vinnu í heimalandi þínu strax að loknu námi á Grænlandi eða hvort endurmenntunar verði þörf.

Almannatryggingar

Þegar þú hefur flutt til Grænlands og skráð þig í þjóðskrá ert þú almannatryggt/ð/ur á Grænlandi. Í því felst að þú færð aðgang að grænlenskri heilbrigðisþjónustu án endurgjalds.

Spurning til Info Norden

Ef þú ert með spurningu skaltu fylla út eyðublaðið hérna:

ATH: Ef spurningin þín varðar afgreiðslu tiltekins máls eða umsóknar eða annarra persónulegra mála skaltu hafa samband við viðkomandi yfirvald.

Info Norden er upplýsingaþjónusta Norrænu ráðherranefndarinnar. Við gefum upplýsingar til fólks sem vill flytja, vinna, stunda nám, leita styrkjum eða hefja rekstur í öðru norrænu landi.
Leitaðu að skrifstofu Info Norden hérna