Húsnæðisbætur í Svíþjóð

Hér má finna svör við spurningum um hvernig sótt er um húsnæðisbætur þegar flutt er til Svíþjóðar. Gefnar eru upplýsingar um hvaða kröfur gilda fyrir ungt fólk, barnafjölskyldur og aldraða sem sækja um húsnæðisbætur í Svíþjóð og hvað á við fyrir fólk sem býr í Svíþjóð en starfar í öðru landi.

Hvað eru húsnæðisbætur í Svíþjóð?

Húsnæðisbætur („bostadsbidrag“) og húsnæðisstyrkur („bostadstillägg“) eru fjárhagsaðstoð sem hægt er að fá til að geta greitt mánaðarlega húsaleigu eða húsnæðisgjald.

Húsnæðisbætur eru einnig í boði fyrir fólk sem á sitt eigið hús, íbúð eða sem framleigir.

Hver eiga rétt á húsnæðisbótum í Svíþjóð?

Ekki eiga öll rétt á húsnæðisbótum í Svíþjóð, en það fer eftir aðstæðum hvers og eins. Veldu þær aðstæður sem eiga við um þig hér að neðan til að sjá hvort þú eigir rétt á húsnæðisbótum í Svíþjóð.

Húsnæðisbætur fyrir barnafjölskyldur er fyrir fjölskyldur sem þurfa aðstoð til að greiða húsaleigu eða mánaðarleg gjöld fyrir íbúðarhúsnæði sitt.

Försäkringskassan sér um þessar greiðslur.

Húsnæðisbætur fyrir ungt fólk er fyrir ungmenni ungt fólk yngra en 29 ára sem þarf aðstoð til að greiða húsaleigu eða mánaðarleg gjöld fyrir íbúðarhúsnæði.

Försäkringskassan sér um þessar greiðslur.

Húsnæðisstyrkur fyrir fólk á veikinda- eða virknibótum er fjárhagsaðstoð umfram veikinda- eða virknibætur til að það geti staðið straum af húsnæðiskostnaði. Húsnæðisstyrkur er aðeins greiddur fólki sem er búsett í Svíþjóð.

Försäkringskassan sér um þessar greiðslur.

Þú getur sótt um húsnæðisstyrk fyrir eldri borgara frá því ári sem þú verður 66 ára og tekur við fullum almennum lífeyri. Þú getur sótt um styrkinn óháð því hvernig þú býrð og hvort þú býrð í eigin húsnæði. Þú getur einnig sótt um húsnæðisstyrk þrátt fyrir að þú hafir fjármagnstekjur. Upphæð húsnæðisstyrksins ræðst af húsnæðiskostnaði, tekjum, fjármagnstekjum og fjölskylduaðstæðum.

Aðstæður margra breytast á efri árum og þess vegna getur verið skynsamlegt að kanna rétt sinn til húsnæðisbóta. Það gæti verið tilefni til að sækja um húsnæðisbætur þegar þú flytur frá eða missir maka, tekjur lækka til dæmis vegna þess að greiðslur á vinnutengdum lífeyri falla niður eða ef húsnæðiskostnaður hefur aukist eftir flutning.

Þegar þú sækir um húsnæðisstyrk fyrir eldri borgara kannar Pensionsmyndigheten einnig hvort þú eigir rétt á framfærslustyrk eldri borgara. Sá styrkur er til viðbótar til framfærslu ef lífeyristekjur þínar eru lágar.

Pensionsmyndigheten sér um þessar greiðslur.

Hver eru skilyrðin fyrir því að fá húsnæðisbætur og húsnæðisstyrk í Svíþjóð?

Þú þarft að búa og eiga lögheimili í Svíþjóð til að geta fengið húsnæðisbætur eða húsnæðisstyrk. Reglur um upphæð bótanna eru breytilegar eftir því um hvaða greiðslur er að ræða en þær ráðast meðal annars af tekjum þínum, fjölda barna á heimilinu, húsnæðiskostnaði og stærð íbúðarhúsnæðisins.

Hvernig virka húsnæðisbætur í Svíþjóð?

Húsnæðisbætur eru skattfrjáls fjárhagsaðstoð frá hinu opinbera sem ætlað er að auðvelda fólki að greiða húsleigu eða húsnæðisgjald hvers mánaðar, en þeim er ekki ætlað að standa straum af öllum kostnaðinum.

Hversu háar húsnæðisbætur er hægt að fá í Svíþjóð?

Upphæð húsnæðisbóta fer meðan annars ef tekjum þínum og gjöldum sem og aðstæðum.

Hafðu samband við Försäkringskassan eða Pensionsmyndigheten til að fá upplýsingar um hve miklum bótum þú átt rétt á.

Hvernig sæki ég um húsnæðisbætur eða húsnæðisstyrk í Svíþjóð?

Þú getur sótt um húsnæðisbætur („bostadsbidrag“) hjá Försäkringskassan. Ef þú færð veikinda- eða virknibætur áttu að sækja um húsnæðisstyrk („bostadstillägg“) hjá Försäkringskassan.

Ef þú ert orðin/n 66 ára og færð fullan ellilífeyri geturðu sótt um húsnæðisstyrk hjá Pensionsmyndigheten.

Hvar sæki ég um húsnæðisbætur ef ég bý í Svíþjóð en starfa í öðru landi?

Að meginreglunni til á einstaklingur aðild að almannatryggingum í því landi sem hann býr og starfar í. Húsnæðisbætur og húsnæðisstyrkur fara þó eftir heimilisfangi. Ef þú býrð í Svíþjóð og starfar í öðru norrænu landi gætir þú því átt rétt á þeim hluta húsnæðisbótanna sem ætlað er að mæta húsnæðiskostnaði í Svíþjóð.

Húsnæðisbætur og húsnæðisstyrkur miðast við þörf þína og erlendar tekjur þínar hafa áhrif á það hvað þú getur fengið háar húsnæðisbætur eða húsnæðisstyrk í Svíþjóð. Försäkringskassan og Pensionsmyndigheten afgreiða umsóknir um húsnæðisbætur og húsnæðisstyrk, svo þú skalt hafa samband við þessar stofnanir til að senda inn umsókn.

Láttu Försäkringskassan eða Pensionsmyndigheten vita ef þú flytur eða byrjar að starfa í öðru landi og færð húsnæðisbætur eða húsnæðisstyrk frá Svíþjóð.

Hvert er hægt að snúa sér með spurningar?

Þú getur hringt í þjónustuver Försäkringskassans í síma +46 (0)771-524 524 eða leitað svara á vefsíðu stofnunarinnar við spurningum um húsnæðisbætur fyrir barnafjölskyldur, húsnæðisbætur fyrir ungt fólk eða húsnæðisbætur fyrir fólk á veikinda- eða virknibótum.

Leitaðu upplýsinga hjá Pensionsmyndigheten ef spurningar vakna um húsnæðisbætur fyrir ellilífeyrisþega.

Hafa samband við Försäkringskassan

Hafa samband við Pensionsmyndigheten