Kaup á vörum og þjónustu í Danmörku
Neytendalög
Þegar þú kaupir vöru í Danmörku hefurðu ákveðin réttindi.
- Kvörtunarfrestur er alltaf tvö ár. Það þýðir að kaupandi vöru hefur tveggja ára frest til að senda kvörtun til verslunar út af gallaðri vöru.
- Þú hefur ekki sjálfkrafa rétt til að skila vöru sem keypt er í verslun. Þú getur aðeins skipt vöru eða fengið hana endurgreidda ef verslunin gefur kost á því.
- Ef varan er gölluð áttu rétt á að gert verði við hana eða fá nýja vöru í staðinn. Stundum geturðu fengið endurgreitt eða afslátt af verðinu.
- Versluninni getur aðeins reynt að gera við eða skipta vöru einu sinni eða tvisvar. Eftir það áttu rétt á endurgreiðslu.
Réttindi neytenda koma fram í neytendalögum (Købeloven). Leiðarvísir um lögin má finna á vef Konkurrence- og Forbrugerstyrelsen.
Stofnanir neytendamála
Leiki þér forvitni á að vita meira um réttindi neytenda í Danmörku geturðu leitað til danska neytendaráðsins, Forbrugerrådet. Ráðið veitir einnig ráðgjöf um réttindi neytenda. Viljirðu vita meira um verslun yfir landamæri innan ESB og EES geturðu leitað til skrifstofu Forbruger Europa í Danmörku.
Þú þarft að vera í þjóðskrá í Danmörku til að kaupa farsímaáskrift.
Ef þú vilt fá þér danskt farsímanúmer án þess að vera í þjóðskrá geturðu keypt talkort í sjoppum og á bensínstöðvum.
Þú þarft ekki að vera í þjóðskrá til að gerast viðskiptavinur hjá til að mynda Københavns E sem selur rafmagn, gas, vatn og upphitun húsa á höfuðborgarsvæðinu.
Allir íbúar Danmerkur geta því haft aðgang að rafmagni, gasi, vatni og húshitun.
Mörg bensínsölufyrirtæki gefa út sérstök bensínkort til kaupa á bensíni, þjónustu og annarri vöru á bensínstöðvum.
Þú þarft að vera í þjóðskrá í Danmörku til að fá danskt bensínkort.
Þó er hægt að nota kort sem sum fjölþjóðleg fyrirtæki gefa út í öðrum löndum. Útgefandi kortsins veitir upplýsingar um hvort hægt sé að nota það í Danmörku.
Ef þú ert með spurningu eða ef þú hefur rekist á hindrun í norrænu landi skaltu fylla út eyðublað okkar.
ATH: Ef spurningin þín varðar afgreiðslu tiltekins máls eða umsóknar eða annarra persónulegra mála skaltu hafa samband við viðkomandi yfirvald.
