Löggilding starfa í Noregi
Norðurlöndin eru einn mennta- og vinnumarkaður. Norrænir samningar eiga að tryggja möguleika fólks til þess að stunda nám og taka próf í menntastofnunum annars staðar á Norðurlöndum og að yfirvöld skuli vinna að því að fólk fái gagnkvæma viðurkenningu á lokaprófum, hlutaprófum eða annars konar vottorðum um frammistöðu til þess að þú getir sótt um störf hvarvetna á Norðurlöndum.
Í Noregi eru einstakar starfsgreinar verndaðar með lögum og þarf því löggildingu til þess að starfa við þær. Hér á eftir finnurðu algengustu lögvarin störf í Noregi og upplýsingar um hvaða stjórnvald veitir löggildingu í hverri starfsgrein fyrir sig.
Heilbrigðisyfirvöld, Helsedirektoratet, veita leyfi til að stunda lögvarin störf innan heilbrigðiskerfisins, til að mynda læknum, sálfræðingum, hjúkrunarfræðingum, sjúkraþjálfurum, lyfjafræðingum, lífeindafræðingum og sjúkraliðum.
NOKUT annast mat á faglegri færni kennara og leikskólakennara með erlenda menntun.
Fjármálaeftirlitið, Finanstilsynet, annast mat og viðurkenningu á löggildum endurskoðendum, löggildum gjaldkerum, löggildum fasteignasölum og innheimtumönnum.
Matvælaeftirlitið, Mattilsynet, veitir dýralæknum, sjávarlíffræðingum á sviði fisksjúkdóma og aðstoðarmönnum dýralækna löggildingu til starfa.
Eftirlitsnefnd með starfsemi lögmanna, Tilsynsrådet for advokatvirksomhed, gefur út leyfi til lögmanna, lögfræðinga og annarra sem veita lögfræðiaðstoð.
Siglingastofnun, Sjøfartsdirektoratet, getur út skírteini sjómanna í Noregi.
Loftferðaeftirlitið, Luftfartstilsynet, veitir starfsleyfi í flugsamgöngum.
Stofnun samfélagsöryggis og almannavarna, Direktoratet for samfunnssikkerhet og beredskap, DSB, gefur út starfsleyfi í rafiðnaðargreinum.
Ef þú ert með spurningu skaltu fylla út eyðublaðið hérna:
ATH: Ef spurningin þín varðar afgreiðslu tiltekins máls eða umsóknar eða annarra persónulegra mála skaltu hafa samband við viðkomandi yfirvald.
