Námsmannaíbúðir á Álandseyjum

Á Álandseyjum búa flestir nemendur í ýmiss konar leiguhúsnæði í Maríuhöfn. Eftirspurn eftir námsmannaíbúðum er mikil og eru nýjar íbúðir stöðugt í byggingu. Mundu að sækja um strax eftir að þú færð staðfestingu á skólavist.  Ef þú vilt búa í húsnæði sem hefur breytt í húsnæði fyrir námsmenn er leigan ódýrari en fyrir námsmannaíbúð. Háskólinn á Álandseyjum heldur úti gagnlegri vefsíðu með upplýsingum, ábendingum og tenglum sem hjálpa þér að finna námsmannaíbúð á Álandseyjum. Marstad býður nemendum (sem eru orðnir 18 ára) að sækja um námsmannaíbúð í Maríuhöfn. Strandnäs-hótelið býður einnig upp á húsnæði fyrir námsfólk í Maríuhöfn. Bóka má námsmannaíbúðirnar fyrir mismunandi tímabil. Hafðu samband við Strandnäs-hótelið til að fá upplýsingar.

Ef þú ert á Facebook mælum við með því að þú leitir að Facebook-hópnum „Bostäder på Åland“, sem er á sænsku. Þar finnur þú auglýsingar frá einstökum leigusölum. Við mælum einnig með því að þú birtir þína eigin auglýsingu, sérstaklega ef þér liggur á að fá húsnæði.

Dagblaðið Ålandstidningen heldur einnig úti leigusíðum sem er að finna hér:

Húsnæðisstyrkur fyrir nemendur, hvort sem er fyrir leiguhúsnæði eða eigið húsnæði.

Námsmenn frá Finnlandi sem fá námsstyrk frá FPA fá almennar húsnæðisbætur í Finnlandi. Finnskir nemendur á Álandseyjum sem fá námsstyrk frá FPA verða að þiggja húsnæðisstyrkinn frá FPA. Ekki er hægt að skipta úr námsstyrk FPA yfir í námsstyrk AMS á Álandseyjum.

Athugið! Nemendur frá Álandseyjum sem stunda nám í Finnlandi tilheyra námsstyrkjakerfi Álandseyja og verða að þiggja styrki sína frá AMS. Þeir eiga ekki rétt á almennum húsnæðisbætum fyrir námsmannaíbúð í Finnlandi heldur verða að þiggja húsnæðisstyrk frá AMS.