Sjálfstætt starfandi í Svíþjóð

Kvinde ved computer ved Nordisk Råds session 2015 i Reykjavik. 

Kvinde ved computer ved Nordisk Råds session 2015 i Reykjavik. 

Ljósmyndari
Johannes Jansson
Ef þú ert atvinnurekandi eða sjálfstætt starfandi þarftu að fylgja ákveðnum reglum þegar þú ræður starfsfólk frá öðrum löndum. Hér er er að finna upplýsingar um þær reglur sem gilda í Svíþjóð.

Starfskraftur frá ESB- og EES-löndum

Ef þú sem atvinnurekandi ert að íhuga að ráða erlent vinnuafl, er mikilvægt að þú kynnir þér fyrirfram þær reglur og þau lög sem gilda.

Skilríkjum

Starfsfólk þarf að sýna gilt vegabréf eða önnur skilríki þar sem ríkisfangið kemur fram.

Ráðningarsamningur/ráðningarkjör

Þér er skylt að gera skriflegan ráðningarsamning í hvert sinn sem þú ræður starfsfólk. Ráðningarsamningurinn á að innihalda upplýsingar um ráðningarform, ráðningardagsetningu, verkefni/embætti, laun, vinnutíma, orlof og kjarasamninga.

Koma ber fram við starfsfólk frá ESB/EES-löndum á sama hátt og við sænskt starfsfólk í samræmi við jafnræðisreglu ESB. Sú regla bannar mismunun vegna þjóðernis hvað varðar ráðningu, laun og önnur starfs- og ráðningarkjör.

Vinnumarkaðstryggingar

Samkvæmt kjarasamningum er atvinnurekanda skylt að kaupa ýmsar vinnumarkaðstryggingar fyrir starfsfólkið. Þú finnur nánari upplýsingar um tryggingar á vefsíðu Svenskt Näringsliv.

Almannatryggingar

Ríkisborgarar í ESB/EES-löndum eiga rétt á almannatryggingum í því landi sem þeir starfa og greiða fyrir félagslegar tryggingar. Það á einnig við þegar starfsmaður býr í öðru ESB/EES-landi. Einnig aðrir í fjölskyldu starfsmannsins eru tryggðir í starfslandi hans þrátt fyrir að þeir starfi ekki í landinu.

Tryggingin tekur gildi á fyrsta ráðningardegi.

Skattareglur

Meginreglan í skattalöggjöfinni er sú að starfsmaður greiðir skatt í starfslandinu. Undantekningar eru frá þeirri reglu. Skatteverket veitir þér nánari upplýsingar.

Starfsfólk frá öðrum löndum en ESB/EES-löndum

Ríkisborgarar annarra landa en ESB/EES-landa sem vilja starfa í Svíþjóð þurfa að vera með atvinnuleyfi. Atvinnuleyfið þarf að vera greinlega áritað í vegabréf einstaklingsins áður en hann kemur til Svíþjóðar.

Leitaðu nánari upplýsinga hjá Arbetsförmedlingen.

Gagnlegir tenglar fyrir atvinnurekendur

Samband við yfirvöld
Spurning til Info Norden

Ef þú ert með spurningu skaltu fylla út eyðublaðið hérna:

ATH: Ef spurningin þín varðar afgreiðslu tiltekins máls eða umsóknar eða annarra persónulegra mála skaltu hafa samband við viðkomandi yfirvald.

Info Norden er upplýsingaþjónusta Norrænu ráðherranefndarinnar. Við gefum upplýsingar til fólks sem vill flytja, vinna, stunda nám, leita styrkjum eða hefja rekstur í öðru norrænu landi.
Leitaðu að skrifstofu Info Norden hérna