Skattlagning íbúa í Finnlandi sem starfa í öðru norrænu landi

Býrð þú í öðru norrænu landi og starfar í Finnlandi?

Almenna reglan er sú að fólk er skattskylt í því landi sem það starfar í. Ef þú býrð í öðru norrænu landi en starfar í Finnlandi getur þú skoðað upplýsingar um skattlagningu á norrænu skattagáttinni, Nordisk eTax. Þegar um ræðir skattamál milli landa er best að beina fyrirspurnum beint til skattayfirvalda í eigin búsetulandi, sem veita upplýsingar um hvert tilfelli fyrir sig.

Um starfsfólk um borð í skipum og ferjum gilda sérstakar reglur sem einnig er að finna á vefsvæði Norrænu skattagáttarinnar.

Starfar þú tímabundið í Finnlandi sem útsendur starfsmaður fyrir vinnuveitanda í öðru landi?

Starfir þú tímabundið í Finnlandi sem útsendur starfsmaður fyrir vinnuveitanda í heimalandi þínu átt þú alla jafna aðeins að greiða skatt í heimalandinu. Nánari upplýsingar eru á síðunni Útsendir starfsmenn.

Býrð þú á landamærasvæði í Svíþjóð eða Noregi og starfar í Finnlandi?

Ef þú býrð á landamærasvæði og starfar í öðru ríki, en innan sama sveitarfélags og þú býrð í, greiðir þú skatt til búsetulandsins. Nánari upplýsingar í þessari grein um skattlagningu starfsfólks á landamærasvæðum í Finnlandi.

Hvar fæ ég nánari upplýsingar um skattlagningu í norrænu löndunum?

Spurningum um skattamál á Norðurlöndum og á milli norrænu landanna er hægt að beina til skattagáttarinnar Nordisk eTax, sem haldið er úti af skattayfirvöldum norrænu landanna. Á vefsvæði gáttarinnar er einnig mikið af gagnlegum upplýsingum um skattamál.