Fróðleiksmolar um Færeyjar

Hvalba, Suðuroy
Ljósmyndari
Erik Christensen, Porkeri
Sjávarútvegur og óvægin náttúra einkenna Færeyjar, sem eru eyjaklasi í Norður-Atlantshafi.

Færeyjar eru eitt þriggja sjálfstjórnarsvæða á Norðurlöndum. Þær eru 18 stórar og litlar eyjar sem tengjast með jarðgöngum og ferjum. Landslagið er hrikalegt og skiptast á þverhníptir klettar, grasivaxnar hæðir og dálítið af skóglendi.

Eyjarnar eru um 1.400 km2 að flatarmáli og eru minnsta landið á Norðurlöndum. Alls búa 49.864 manns á eyjunum, þar af búa rúmlega 20 þúsund í höfuðstaðnum Þórshöfn.

Færeyjar tilheyra formlega konungsríkinu Danmörku en hafa sjálfstjórn í miklum mæli. Lögþingið er æðsta stjórnvald Færeyja. Landið á ekki aðild að ESB en hefur gert fiskveiða- og viðskiptasamninga við sambandið.

Fiskveiðar eru mikilvægasta atvinnugreinin í Færeyjum en þar á eftir koma ferðaþjónusta og ullarframleiðsla. Rúmlega 97 prósent útflutnings eru fiskafurðir.

Flatarmál: 1.396 km2

Hæsti tindur: Slættartindur 882 m

Strandlengja: 1.289 km

Landamæri: 0 km

Stöðuvötn og ár: 9 km2

Meðalhitastig í Þórshöfn (1961–1990): janúar 3,4° C, júlí 10,3° C

Meðalúrkoma í Þórshöfn (2006): 1.294 mm

Íbúafjöldi 2017: 49.864  íbúar

Íbúafjöldi í höfuðstaðnum 2017: 28.885 íbúar í Þórshöfn (í sveitarfélaginu) (1)

Þjóðhátíðardagur: 29. júlí (Ólafsvaka)

Stjórnarfar: Heimastjórn – hluti af konungsríkinu Danmörku

Þing: Lögþingið (33 fulltrúar)

Aðild að Evrópusambandinu: Nei

Aðild að Atlantshafsbandalaginu: Frá 1949 (vegna aðildar Danmerkur)

Þjóðhöfðingi: Margrét Þórhildur II Danadrottning

Höfuð ríkisstjórnar (frá september 2015): [Aksel Vilhelmson Johannesen]

Gjaldmiðill: Danskar krónur (DKK)

Opinber heimasíða: www.hagstova.fo

Opinbert tungumál: Færeyska

1) Sveitarfélagið Þórshöfn samanstendur af sex mismunandi þéttbýlissvæðum sem eru landfræðilega aðgreind frá Þórshöfn og teljast þess vegna ekki vera hluti bæjarins.

Tengiliður