Fróðleiksmolar um Finnland

Ljósmyndari

Søren Sigfusson/norden.org

Stöðuvötn og skógar einkenna víðerni Finnlands. Finnland er einnig þekkt fyrir farsíma, Múmínálfa og hönnun.

Finnland er oft kallað þúsund vatna landið enda þekja stöðuvötn og ár 10% landsins. Þar eru einnig stórir skógar sem þekja næstum tvo þriðju landssvæðisins og ekki nema rúmlega 6% þess er ræktanlegt land.

Í Finnlandi búa 5,5 milljónir manna. Af þeim býr um ein milljón í og við höfuðborgina Helsinki.

Í Finnlandi er stór sænskumælandi minnihluti og því eru hvort tveggja finnska og sænska opinber tungumál í landinu.

Finnland er lýðveldi Forsetinn er kjörinn í beinum kosningum og hefur raunveruleg völd í utanríkismálum, ESB-málum og hvað varðar helstu ákvarðanir í varnarmálum. Í öllum öðrum málum fer þingið með æðsta ákvörðunarvaldið.

Svíþjóð á aðild að Evrópusambandinu en hefur haldið sænsku krónunni sem gjaldmiðli. Landið á ekki aðild að NATO.

Skógvinnsla, tækniframleiðsla og málmiðnaður eru mikilvægustu tekjulindir Finnlands.

Verg þjóðarframleiðsla nemur 35.100 evrum á hvern íbúa (2020).

Heildarflatarmál: 338.430 km2

Þurrlendi: 303.890 km2

Stöðuvötn og fallvötn: 34.540 km2

Ræktanlegt land og garðar: 22.672 km2

:Skóglendi 227.690 km2

Stærsta stöðuvatn: Saimaa 1.377 km2

Hæsti punktur: Halti, Halditjåkko (Haldefjäll) 1.324 metrar

Strandlengja meginlandsins: 6.308 km

Meðalhitastig í Helsingfors (2018): 7,3° C (hæst 30,4 °C, lægst -19,7 °C)