Fundur fólksins 2022
Lýðræðishátíðin Fundur fólksins er haldin í Norræna húsinu í Reykjavík og nágrenni þess.
Föstudaginn 16. september verður sjónum beint að börnum og ungmennum, og laugardagurinn er frátekin fyrir öll sem hafa áhuga á þátttöku. Á báðum dögum verða viðburðir þar sem sérstök áhersla er lögð á norrænt samstarf.
Viðburðir
Tímasetningar miðast við íslenskan tíma.
Loftslagsváin skapar bæði vanda og ný tækifæri í landbúnaði. Hvernig lögum við jarðyrkju að hlýnandi loftslagi, og eru tækifæri til að auka framleiðslu og rækta nýjar tegundir nytjaplantna á norðurslóðum?
Myndi samnorræn stefna í loftslagsmálum færa okkur nær markmiðinu um sjálfbær Norðurlönd? Og hvernig tryggjum við að sjónarmið barna og ungmenna, sem munu erfa afleiðingar loftslagsbreytinga, endurspeglist í stefnumótun?
Hvernig getum við skapað borgarrými sem vinnur með náttúrunni en ekki á móti henni? Boðið verður upp á tvö erindi um blágrænar lausnir í borgarumhverfi og hringborðsumræður með fulltrúum frá Reykjavíkurborg, heilbrigðisgeiranum og frjálsum félagasamtökum.
Framtíð byggingariðnaðar verður að vera sjálfbær – en hvað ber framtíðin í skauti sér? Hvernig efni notum við og hvaða hlutverki gegnir arkitektúr í umskiptunum í átt að sjálfbærum byggingariðnaði?
