Norræna ráðherranefndin um umhverfis- og loftslagsmál (MR-MK)
Samstarfi norrænu ríkisstjórnanna um umhverfismál er stýrt af ráðherranefndinni um umhverfis- og loftslagsmál en þeim vettvangi hittast umhverfisráðherrar norrænu ríkjanna, Álandseyja, Grænlands og Færeyja tvisvar til þrisvar sinnum á ári. Liður í stefnumótunarstarfinu er að taka afstöðu til stefnumiða samstarfsins, sameiginlegra norrænna verkefna á sviði umhverfismála, norræns samstarfs í alþjóðlegu samhengi, fjármögnunar starfseminnar ásamt stefnumótun.
Forgangssvið
Á tímabilinu 2019-2024 hefur umhverfismálasviðið ákveðið að forgangsraða eftirfarandi sex sviðum:
- Hringrásarhagkerfi
- Loftslagsmál og loftgæði
- Efni
- Umhverfis- og heilbrigðismál
- Líffræðilegur fjölbreytileiki
- Hafið og strandsvæði
MR-MK vinnur að því að hafa áhrif á og taka þátt í svæðisbundnum og alþjóðlegum ferlum, meðal annars loftslagsviðræður SÞ, sjálfbærnimarkmið SÞ, hringrásarhagkerfi í ESB, OECD og SÞ, alþjóðlegu kvikasilfursviðræðurnar, HELCOM og OSPAR og á Norðurskautinu og Eystrasaltssvæðinu.
Skipulag
Undir ráðherranefndina heyrir embættismannanefnd um umhverfis- og loftslagsmál (EK-MK). Embættismannanefndin um umhverfis- og loftslagsmál undirbýr og fylgir eftir vinnu ráðherranefndarinnar og sér til þess að Framkvæmdaáætlun í umhverfismálum (2019-2024) sé fylgt.
Embættismannanefndin hefur skipað vinnuhóp (AU) með fulltrúum umhverfisstofnana í löndunum, en verkefni hans er að skipuleggja og samhæfa starfið.
Undir umhverfis- og loftslagssviðið heyra sex vinnuhópar þar sem sérfræðingar frá löndunum vinna saman um forgangsmál sviðsins.
Skrifstofa Norrænu ráðherranefndarinnar í Kaupmannahöfn sér um daglegan rekstur.
Annað samstarf
Löndin vinna einnig saman gegnum norræna umhverfisþróunarsjóðinn (NMF) undir norræna umhverfisfjármögnunarstofnuninni (NEFCO) um umhverfismerkið Svaninn og umhverfisverðlaun Norðurlandaráðs.
Alþjóðlegt samstarf
Aðrar samstarfsstofnanir sem eru mikilvægar fyrir Norrænu ráðherranefndina í alþjóðlegu umhverfis- og loftslagssamstarfi eru: