Norrænar lausnir á hnattrænum áskorunum
Forsætisráðherrar Norðurlandanna tóku þá ákvörðun í október 2015 að kynna nýtt verkefni þar sem sjónum er beint að norrænum lausnum á hnattrænum samfélagslegum áskorunum. Norðurlandaþjóðirnar hafa unnið að því lengi að auka sjálfbærni landanna.
Markmiðið er að kynna norrænar lausnir og nýsköpun sem beinist að brýnustu hnattrænu málefnunum. Forsætisráðherrarnir vilja miðla þekkingu í tengslum við sex flaggskipsverkefni á sviði grænna Norðurlanda, norrænna jafnréttisaáhrfia og norræns matar og velferðar.
Með því að virkja breiðan hóp sérfræðinga í stefnumótun, vísindafólks, aðila innan einkageirans og Norræn sendiráð, útflutningsráð og alþjóðlega hagsmunaaðila, koma flaggskipsverkefnin til móts við vaxandi alþjóðlegan áhuga á norrænni stefnumótun og afurðum á sviði sjálfbærni.
Nordic Gender Effect
The Nordic Gender Effect at Work kynnir norræna fjárfestingu í jafnrétti - lausnir varðandi foreldraorlof, barnagæslu, sveigjanlegan vinnutíma og jafnrétti í stjórnunarstöðum og dregur fram efnahagslegan og félagslegan ávinning af jafnrétti kynjanna á vinnumarkaði.
Nordic Food & Welfare
Nordic Food Policy Lab miðlar reynslu af norrænni stefnumörkun um næringu, matarsóun og ný norræn matvæli og höfðar til þátttöku neytenda í umbreytingu til sjálfbærrar matarvælastefnu.
Nordic Welfare Solutions byggir upp samstarf milli útflutningssamtaka og fyrirtækjasamsteypa til þess að kynna, sýna og flytja út lausnir innan skilgreindra norrænna styrkleikasviða, svo sem stafrænnar væðingar heilbrigðiskerfisins og sjálfbærra sjúkrahúsa.
NordicGreen
Nordic Sustainable Cities leggur áherslu á að byggja upp samstarfsnet og flytja út sjalfbærar lausnir varðandi borgarþróun í nánu samstarfi við staðbundna aðila og fyrirtæki.
Nordic Energy Solutions leitast við að deila með öðrum heimshlutum norrænum orkulíkönum og þekkingu af orkumarkaðinum heima fyrir og liðsinna við hönnun endurnýjanlegra orkukerfa og áhugaverðra markaða.
Nordic Climate Solutions beinir sjónum að því að draga úr notkun jarðefnaeldsneyta, Fossil Fuel Subsidy Reform (FFSR), og því hvernig taka megi upp framsæknar norrænar lausnir á sviði umhverfishagfræði, grænnar tækni og umhverfsistefnu í þróunarlöndum.