Staðreyndir um Ísland

Islandsk landskap
Ljósmyndari
Karin Beate Nøsterud/norden.org
Norðarlega í Atlantshafi rís eldfjallaeyjan Ísland úr sæ með heitum hverum og stórbrotinni náttúru.

Ísland er lýðveldi á eyju rétt sunnan við heimskautsbaug. Ísland á ekki landamæri að öðrum löndum en löndin sem eru næst Íslandi eru Grænland, Noregur og Stóra-Bretland.

Stjórnmál á Íslandi

Ísland er lýðveldi með forseta sem kjörinn er í beinni kosningu. Formlega séð velur forsetinn forsætisráðherra. Alþingi er æðsta stofnun Íslands.

Ísland á ekki aðild að ESB en er aðili að Evrópska efnahagssvæðinu, EES. Ísland á aðild að NATO.

  • Þjóðhátíðardagur: 17. júní (lýðveldisdagurinn 17. júní 1944)
  • Stjórnarfar: Lýðveldi
  • Þing: Alþingi (63 sæti)
  • Aðild að ESB: Nei
  • Aðild að EES: Frá 1. janúar 1994
  • Aðild að NATO: Frá 4. apríl 1949
  • Þjóðhöfðingi: Guðni Th. Jóhannesson forseti
  • Forsætisráðherra: Katrín Jakobsdóttir, forsætisráðherra

Íbúar á Íslandi

Íbúar landsins eru ekki nema 356.991, rúmlega helmingur þeirra búa í höfuðborginni Reykjavík og næsta nágrenni.

  • Íbúafjöldi 2019: 356.991 íbúar
  • Íbúafjöldi í höfuðborginni árið 2016: 216.878 íbúar á höfuðborgarsvæðinu

Íbúaþróun á Íslandi

Efnahagslíf á Íslandi

Fiskur og aðrar sjávarafurðir eru enn mikilvægasta tekjulind Íslendinga. Næst á eftir kemur útflutningur á áli og járnblendi. Á síðari árum hefur mikill vöxtur verið í greinum á borð við líftækni, hugbúnaði og ferðaþjónustu á Íslandi.

  • Þjóðarframleiðsla á íbúa:  40.400 evrur (2019)
  • Gjaldmiðill: Íslensk króna (ISK)

Landafræði Íslands

Ísland er 2,5 sinnum stærra en Danmörk. Aðeins rúmlega eitt prósent landsins er ræktanlegt. Stór hluti landsins er þakinn hraunbreiðum og jöklum.

  • Heildarflatarmál: 103.492 km²
  • Stöðuvötn og fallvötn: 2.656 km²
  • Íslaus svæði: 92.692 km²
  • Ræktanlegt land, og ávaxtaekrur: 1.290 km²
  • Skógur: 1.907 km²
  • Stærsta stöðuvatn: Þingvallavatn 82 km²
  • Strandlengja: 6.088 km
  • Hæsti tindur: Hvannadalshnúkur 2.110 metrar yfir sjávarmáli

Loftslag og umhverfi á Íslandi

Á Íslandi er úthafsloftslag sem mótast af köldum hafstraumum úr norðri og hlýjum golfstrauminum. Þetta gerir sumurin svöl og veturna milda. Meðalhiti í Reykjavík er +0,4 °C í janúar og 12,5 °C í júlí. Meðalhiti ársins er 5,5 °C. Við norðurströndina og á hálendinu er heimskautaloftslag.

  • Snæhetta og jöklar: 10.500 km²
  • Meðalhitastig í Reykjavík (2018): 5,1° C (hæsti hiti 23,5 °C, lægsti hiti -9,0 °C)
  • Meðalúrkoma í Reykjavík (2007): 890 mm

 

Meðalhiti í Reykjavík

Gráður á Selsíus

Íslenska

Íslenska er vestnorrænt tungumál sem talað er af um 300.000 manns, fyrst og fremst á Íslandi þar sem íslenskan hefur verið opinbert tungumál síðan 2011. Íslensku svipar mjög til hins norræna tungumáls sem talað var í Noregi fram um 1200. Íhaldsöm málstefna með áherslu á málrækt og nýyrðasmíð setur mark sitt á nútímaíslensku.

Langar þig að flytja til Íslands?

Ef þig langar að flytja til Íslands má alltaf hafa samband við Info Norden sem er upplýsingaþjónusta Norrænu ráðherranefndarinnar.

Langar þig að vita meira um Ísland og önnur norræn lönd?

Skýrslan State of the Nordic Region er gefin út annað hvert ár og veitir yfirgripsmikla og einstaka innsýn undir yfirborðið í norrænu ríkjunum. Í skýrslunni er unnið úr tölfræði um lýðfræði, vinnumarkað, menntun og hagkerfi Norðurlanda.

Langar þig að sjá meiri tölfræði?

Við höfum tekið saman mikið magn norrænna talnagagna sem máli skipta í gagnagrunninum Nordic Statistics database. Þar má má verða margs vísari um tölfræði ýmissa málaflokka á Norðurlöndum.

__________________________________________________________________________________________

1) Reykjavik, Kópavogur, Seltjarnarnes, Garðabær, Hafnarfjörður, Mosfellsbær og Kjósarhreppur.