Staðreyndir um Svíþjóð

Ren
Ljósmyndari
Johannes Jansson/norden.org
Svíþjóð er stærst Norðurlandanna og jafnframt fjölmennust. Í hugum margra er Svíþjóð tengd húsgögnum sem kaupendur setja saman sjálfir, nýsköpun og framleiðslu járns og stáls. Í Svíþjóð er 3% landsframleiðslu varið í rannsóknir og þróun.

Svíþjóð á landamæri að Noregi í vestri og Finnlandi í Norðlaustri. Strandlengja Svíþjóðar liggur að Danmörku, Noregi, Álandseyjum og Finnlandi.

Stjórnmál í Svíþjóð

Í Svíþjóð er þingbundin konungsstjórn. Karl Gústaf XVI Svíakonungur hefur ekkert raunveruleg pólitískt vald og er þingið, Riksdagen, er æðsta vald landsins.

Svíþjóð er aðili að ESB en hefur haldið sænsku krónunni sem gjaldmiðli. Landið á ekki aðild að NATO.  

  • Þjóðhátíðardagur: 6 júní (nationaldagen)
  • Stjórnarfar: Þingbundið konungsríki
  • Þing: Riksdagen (349 fulltrúar)
  • Aðild að ESB: Frá 1. janúar 1995
  • Aðild að NATO: Nei
  • Þjóðhöfðingi: Karl Gústaf XVI konungur
  • Forsætisráðherra (október 2014): Stefan Löfven (Socialdemokraterna)

Íbúar Svíþjóðar

Svíþjóð er fjölmennasta ríki Norðurlanda með 10,3 milljónir íbúa. Næstum því 2,4 milljónir manna búa í Stokkhólmi og nágrenni. Norðurhluti landsins er strjálbýll.

  • Íbúafjöldi 2020: 10.327.589 milljónir íbúa
  • Íbúafjöldi í höfuðborginni árið 2020: 2.389.923 í Stokkhólmi (á höfuðborgarsvæðinu, Stor-Stockholm) 1)

Íbúaþróun í Svíþjóð

Efnahagsmál í Svíþjóð

Mikill útflutningur er á vörum og þjónustu frá Svíþjóð. Helstu útflutningsvörur eru raftæki, vélar, bílar, pappír, járn og stál.

  • Þjóðarframleiðsla á íbúa: 38.200 evrur (2020)
  • Gjaldmiðill: Sænsk króna (SEK)

Landafræði Svíþjóðar

Sögulega skiptist Svíþjóð í þrjá landshluta, Svealand, Götaland og Norrland.

Stöðuvötn og fallvötn þekja nær 10% landrýmis í Svíþjóð. Í landinu eru einnig gífurlegir barrskógar, en þar eru þó einnig 27 þúsund ferkílómetrar ræktanlegs lands.

  • Heildarflatarmál: 447.435 km² 2)
  • Stöðuvötn og fallvötn: 40.124 km²
  • Ræktanlegt land og garðar: 25.970 km²
  • Skóglendi og skógræktarsvæði: 280.640 km²
  • Stærsta stöðuvatn: Vänern 5.648 km²
  • Hæsti tindur: Kebnekaise 2.106 m
  • Strandlengja meginlandsins: 11.530 km
  • Landamæri: 2.205 km (landamæri að Finnlandi: 586 km, Noregi: 1.619 km)
  • Snæhetta og jöklar: 283 km²

Loftslag og umhverfi í Svíþjóð

Loftslag Svíþjóðar endurspeglar legu landsins. Loftslag er temprað í stórum hlutum landsins en í fjalllendinu nyrst er kaldtemprað loftslag.

  • Meðalhiti í Stokkhólmi (2018): 8,8 °C (hæsti hiti 33,6 °C, lægsti hiti −13,8 °C)

Meðalhiti í Stokkhólmi

Tungumál í Svíþjóð

Opinbert tungumál: Sænska (aðaltungumál)

Opinber minnihlutamál: Finnska, meänkieli, samíska, rómaní och jiddíska

Langar þig að flytja til Svíþjóðar?

Ef þig langar að flytja til Svíþjóðar má alltaf hafa samband við Info Norden sem er upplýsingaþjónusta Norrænu ráðherranefndarinnar.

Langar þig að vita meira um Svíþjóð og önnur norræn ríki?

Skýrslan State of the Nordic region  er gefin út annað hvert ár og veitir yfirgripsmikla og einstaka innsýn undir yfirborðið í norrænu ríkjunum. Í skýrslunni er unnið úr nýjustu tölfræði um lýðfræðiþróun, vinnumarkaðsþróun, menntun og hagkerfi Norðurlanda.

Langar þig að sjá meiri tölfræði?

Við höfum tekið saman mikið magn norrænna talnagagna sem máli skipta í gagnagrunninum Nordic Statistics database. Þar má verða margs vísari um tölfræði ýmissa málaflokka á Norðurlöndum.

Skýringar:

1) Stokkhólmur, Upplands Väsby, Vallentuna, Österåker, Värmdö, Järfälla, Ekerö, Huddinge, Botkyrka, Salem, Haninge, Tyresö, Upplands-Bro, Nykvarn, Täby, Danderyd, Sollentuna, Södertälje, Nacka, Sundbyberg, Solna, Lidingö, Vaxholm, Norrtälje, Sigtuna og Nynäshamn.

2) Að meðtöldum stærstu stöðuvötnum, en að frátöldu svæðinu frá strandlengjunni að landhelgislínunni, 81.502 km².