Pinngortitamut inunnullu

Nunarsuaq tamakkerlugu isumaqatigiissut ataatsimut angujartuaarlugu

Information

Utgivningsdatum
Beskrivning
Nunarsuaq tamakkerlugu inuusuttut, nunarsuarput illersorniarlugu iliuuseqartoqarnissaannik piumasaqaateqarput. 2020-mi pinngortitamut inunnullu nunarsuaq tamakkerlugu isumaqatigiissut nutaaq atortuulersinneqassaaq, nunarsuarmi uumassusillit assigiinngissitaartuunerannik aamma pinngortitami pissuseqatigiinnik ataqatigiinnik illersuinissamut aamma atatitsiinnarnissamut anguniakkanik aalajangiisoq. Pingaaruteqarluinnarpoq anguniakkat taakku nutaat aalajangiunneqarpata inuusuttut nipaasa tusaaneqarnissaat, pissutigalugu taakku maannakkut kinguaariiginnarnut sunniuteqartussaanngimmata, kisianni aamma siunissami kinguaariinnut taakkulu inuussutissarsiornerannut sunniuteqartussaammata.Nunani Avannarlerni inuusuttut nipaasa tusarneqarnissaat qulakkeerusupparput aamma taamaammat uumassusillit assigiinngissitaarnerannik pinngortitamilu pissuseqatigiinnik ataqatigiissunik illersuinermut piujuartitsisumillu atuinermut anguniakkat nutaat aalajangerneqarnissaannut, taamatullu pinngortitamut inunnullu isumaqatigiissutip nutaap qulakkeerneqarnissaanut, inuusuttut peqataatinneqarnissaannut sakkuusivik una ineriartortissimavarput! Sakkuusivik pinngortitamut inunnullu nunarsuaq tamakkerlugu isumaqatigiissutip nutaap ineriartortinneqarnissaanut inuusuttunut allanullu inuusuttunik peqataatitserusuttunut atugassatut suliarineqarpoq. Kinaluunniit inuusuttunik tusarniaanermik aaqqissuinissamik, aqqutissiuinissamik aamma peqataatitsinissamik kissaateqartoq sakkuusivimmik atuinissamut tikilluaqquneqarpoq. Inerneri aalajangiisartunut, inunnut tamanut aamma atorfeqarfinnut naleqquttunut paasissutissiissutigineqas-sapput aamma nunarsuarmi inuusuttut suliniaqatigiiffiannut annerusumut ilaassaaq.Inuusuttut, inuusuttut kattuffii aamma soqutigisaqaqatigiit allat, apeqqutit pingaarnerit pinngortitamut inunnullu isumaqatigiissummut nutaamut attuumassuteqartut oqallisigineqarnissaannut aqqutissiuinissaannik tapersersuinissaq aamma inuusuttunut workshopimit inernerit tatiginartuunerinik qulakkeerinninnissaq siunertarineqarpoq.Sakkuusivik ineriartortinneqarsimavoq Nunat Avannarliit Siunnersuisoqatigiivi aamma Nunat Avannarliit Ministeriisa Siunnersuisoqatigiivi qanimut suleqatigalugit, Nunani avannarlerni inuusuttut qanimut suleqatigalugit.Sakkuusiviup saniatigut atuagaq najoqqutassaq, workshopinik aamma tusarniaanernik aaqqissuussinermut tapersersorneqarnissamut pisariaqartitsisunut atugassiissutigineqarsimavoq. Atuakkamut najoqqutassamut, inuusuttunut workshopinik aamma peqataatitsinermik aaqqissuisunut paasissutissiinissaq aamma workshopinut piareersaaneranni ilitsersuinissaq siunertarineqarpoq. Atuagaq najoqqutassaq naleqqussaruminartuuvoq aamma kajumissutsimik atuagaavoq najoqqutassaq, imarisamut attuumassuteqartumik eqqarsaatersornerni atorneqarsinnaasoq.
Publikationsnummer
2019:060