Document Actions

Dagfinn Høybråten mun stýra norskri sannleiksnefnd um málefni Sama og Kvena

Dagfinn Høybråten, framkvæmdastjóri norrænu ráðherranefndarinnar, hefur verið falið að stýra sannleiksnefnd sem á að rannsaka það ranglæti sem Samar og Kvenir hafa verið beittir í Noregi.

14.06.2018

Norska Stórþingið samþykkti á fimmtudaginn einróma Dagfinn Høybråten sem yfirmann sannleiksnefndarinnar. Einnig voru verkefni og skipan nefndarinnar ákvörðuð til sama tilefni.

- Það gleður mig það traust sem mér er sýnt með þessu verkefni. Verkefnið verður krefjandi en einnig mjög mikilvægt fyrir fjölda fólks, segir Høybråten.

Í verkefninu felst að rannsaka ranglæti tengt hinni svokölluðu Norðmannavæðingu, sem er hugtak notað yfir þá samlögunarstefnu sem höfð var uppi gegn Sömum og Kvenum frá því á 18. öld fram á 7. áratug 20. aldar. Markmið nefndarinnar er einnig að setja fram tillögur um frekari sáttaraðgerðir. Nefndin skal hafa lokið verkefni sínu í september 2022.

Hlutverk Dagfinns Høybråten í sannleiksnefndinni hefur ekki áhrif á störf hans við Norrænu ráðherranefndina í Kaupmannahöfn. Hann verður áfram framkvæmdastjóri fram til lok skipunartímabilsins í lok mars 2019. Norræna ráðherranefndin á eftir að samþykkja þetta nýja verkefni með formlegum hætti.

Tengiliðir

Matts Lindqvist
Sími (+45) 29 69 29 05
Netfang matlin@norden.org