Álitsdrög: Norræn samstarfsáætlun um dómsmál 2025-2030
Upplýsingar
Norræna ráðherranefndin um dómsmál er samstarfsvettvangur norrænna ráðherra dómsmála (MR-JUST). Ráðherrarnir njóta liðsinnis embættismannanefndar (ÄK-JUST). Fagsviðið hefur umsjón með fjárhagsáætlun sem fjármagnar verkefni sem tengjast samstarfi á sviðinu.
Norrænir ráðherrar dómsmála hafa samþykkt drög að samstarfsáætlun sem skal gilda fyrir tímabilið 2025-2030. Drögin lýsa markmiðum á þremur verkefnasviðum: „Samræmi lögjafar á Norðurlöndum“, „réttaröryggi á Norðurlöndum“, og „forvarnir og barátta gegn brotastarfsemi“.
Á sviði „samræmi löggjafar“ er markmiðið meðal annars að fyrirbyggja og vinna gegn stjórnsýsluhindrunum sem verða vegna aðstæðna í kringum löggjafarstarf í norrænu löndunum.
Hvað varðar „réttaröryggi á Norðurlöndum“ snúast markmiðin um að viðhalda réttaröryggi fyrir alla íbúa og fyrirtæki á Norðurlöndum og að standa vörð um grunnréttindi, m.a. vegna stafrænnar væðingar í opinbera geiranum.
Á sviðinu „forvarnir og barátta gegn brotastarfsem“ varða markmiðin m.a. að fyrirbyggja og berjast gegn skipulagðri glæpastarfsemi, gengjaglæpum, mansali, netglæpum og að fyrirbyggja og koma í veg fyrir ofbeldi í nánum samböndum.
Samstarfið á sviði dómsmála skal styðja við stefnumarkandi áherslurnar um félagslega sjálfbær Norðurlönd og samkeppnishæf Norðurlönd. sem er hluti Framtíðarsýnar okkar 2030.