Álitsdrög: Norræn samstarfsáætlun um stafræna væðingu 2025-2030

Samstarf Norðurlanda og Eystrasaltsríkjanna innan MR DIGITAL einkennist af sameiginlegum tækifærum og áskorunum. Samstarfsáæltunin miðar að því að finna samstarfsfleti sem skila notagildi þar sem hugað er að þremur meginmarkmiðum:  1) Stuðla að stafrænum grænum umskiptum 2) Öruggt, tengd og stafrænt samhæft svæði 3) Örugg, inngildandi og manneskjumiðuð stafræn umskipti til að tryggja viðnámsþolin samfélög.

Í samstarfsáætluninni mun MR DIGITAL, í nánu samstarfi við aðrar ráðherranefndir, leggja sitt af mörkum svo að opinberi geirinn uppfylli þarfir bæði fólks og fyrirtækja á svæðinu núna og til framtíðar, stuðla að frjálsri för og tengingu milli svæða, efla stafræna færni og hæfni og ábyrga notkun stafrænnar tækni auk þess að taka forystuna í að átta sig á stafrænu og grænu umskiptin og sjálfbæran hagvöxt.

MR-DIGITAL mun taka þátt í samstarfi að samþykktum Evrópustöðlum, innviðum, samnýtingu gagna, gagnarýmum og samvirkni, sem og tengjanleika í samræmi við viðeigandi framtaksverkefni og löggjöf Evrópusambandsins.

Norðurlönd og Eystrasaltsríkin geta verið leiðandi í stafrænni umbreytingu í ESB og á heimsvísu og sýnt fram á að hægt sé að nota stafræna tækni og gögn og miðla þeim á sanngjarnan, opinn, öruggan, ábyrgan og lýðræðislegan hátt.  Með samstarfi er hægt að styrkja rödd Norðurlanda og Eystrasaltsríkjanna á alþjóðlegum vettvangi, til að hafa áhrif á stefnur og viðmiðanir sem koma út úr því starfi til að tryggja að þau séu í samræmi við gildi okkar og fyrirliggjandi kerfi.