Framhaldsskólar í Danmörku
Bøger
Að loknum grunnskóla velja flestir að hefja nám í annað hvort bóklegan framhaldsskóla (72 prósent) eða starfsmenntaskóla (20 prósent).
Bóklegir framhaldsskólar í Danmörku
Fjórar tegundir bóklegrar framhaldsskólamenntunar eru í boði í Danmörku. Þær eiga það sameiginlegt að veita réttindi til að sækja um nám á háskólastigi. Nánari upplýsingar má nálgast á vefnum Uddannelsesguiden – leiðarvísi um menntakerfið.
Í verslunarprófinu er áhersla lögð á markaðs- og viðskipamiðað nám út frá alþjóðlegu sjónarhorni. Aðgangskrafan er grunnskólapróf að loknum 9. bekk. (Skólaskylda er í Danmörku frá bekk 0 upp í 9. bekk en eftir það er 10. bekkur valfrjáls.) Námið tekur þrjú ár, hálfs árs kjarni og tvö og hálft ár samkvæmt námsbraut.
Í tækniprófinu er áhersla lögð á tækni og raunvísindi. Aðgangskrafan er grunnskólapróf. Námið tekur þrjú ár, hálfs árs kjarni og tvö og hálft ár samkvæmt námsbraut.
Í tækniprófinu er áhersla lögð á tækni og raunvísindi. Aðgangskrafan er grunnskólapróf. Námið tekur þrjú ár, hálfs árs kjarni og tvö og hálft ár samkvæmt námsbraut.
Hf er almennt hagnýtt og starfsmiðað framhaldsskólanám. Námið miðar að starfsnámsbrautum á háskólastigi. Hf-próf með viðbótarfögum veitir einnig aðgang að grunnnámi á háskólastigi. Aðgangskrafan er grunnskólapróf að loknum 10. bekk. (Skólaskylda er í Danmörku frá bekk 0 upp í 9. bekk en eftir það er 10. bekkur valfrjáls.) Námið er til tveggja ára og samanstendur bæði af skyldufögum og valfögum innan ákveðinna sviða á borð við heilsu, umhverfismál, kennslufræði eða fjármál.
Í Danmörku eru ýmsir alþjóðlegir menntaskólar. Í alþjóðlegum menntaskólum reknum af einkaaðilum miðast kennslan við að nemendur geti tekið alþjóðlegt próf. Alþjóðleg próf, til dæmis International Baccalaureate (IB), eiga að veita aðgang að háskólanámi í Danmörku. IB er einnig í boði í ýmsum opinberum bóklegum framhaldsskólum.
Ef þú ert frá öðru norrænu landi og vilt fara í bóklegan framhaldsskóla í Danmörku
Norðurlöndin hafa gert með sér samning sem tryggir ungu fólki á Norðurlöndum aðgang að námi á framhaldsskólastigi í öllum löndunum á sömu forsendum og ríkisborgurum viðkomandi lands. Meginreglan er sú að ef þú hefur lokið grunnskólanámi í norrænu landi getirðu farið í bóklegan framhaldsskóla í Danmörku.
Starfsmenntun (EUD og EUX) í Danmörku
Starfsnám er hagnýtt nám þar sem stór hluti kennslunnar fer fram á vinnustað, svo sem iðnaðarfyrirtæki, verkstæði, eldhúsi eða verslun.
Námið fer ýmist fram í skólanum eða á vinnustað og er yfirleitt byggt upp sem kjarni og fagleg námsbraut. Þú getur valið um 105 ólíkar námsbrautir með rúmlega 300 þrepum eða sérsviðum. Þú getur hafið nám strax að loknum grunnskóla eða síðar. Byrjun starfsnáms veltur á aldri þínum og bakgrunni. Þegar starfsnáminu er lokið öðlast maður réttindi til að fá stöðu sem faglærður.
Hægt er að taka EUX samhliða starfsnámi. Það veitir þér sama rétt á háskólanámi og þeim sem eru með bóklegt framhaldsskólapróf.
Nánari upplýsingar
Ef þú ert með spurningu eða ef þú hefur rekist á hindrun í norrænu landi skaltu fylla út eyðublað okkar.
ATH: Ef spurningin þín varðar afgreiðslu tiltekins máls eða umsóknar eða annarra persónulegra mála skaltu hafa samband við viðkomandi yfirvald.
