Stúdentaíbúðir og stúdentagarðar í Danmörku
Ef þú ert á leiðinni í nám til Danmerkur geturðu leitað á húsnæðismarkaði að leigu-, eignar- eða búsetahúsnæði.
Námsfólk velur þó oft að sækja um húsnæði á stúdentagörðum eða leiguíbúðum fyrir ungt fólk.
Yfirleitt er ódýrara að búa á stúdentagörðum en í íbúðum en rýmið er að sjálfsögðu þrengra.
Lág húsaleiga gerir það að verkum að oft er erfitt að finna íbúð og yfirleitt eru langir biðlistar að herbergjum á stúdentagörðum í stærri borgum.
Þess vegna borgar sig að sækja um herbergi á stúdentagarði eins snemma og hægt er.
Ef þú ætlar að sækja um herbergi á stúdentagarð hefurðu samband við stúdentagarðinn eða námsráðgjafa á menntastofnuninni þar sem þú hefur nám.
Nánari upplýsingar um stúdentagarða og leiguhúsnæði fyrir ungt fólk í Danmörku er að finna á vefnum ungdomsbolig.dk.
Ef þú ert með spurningu eða ef þú hefur rekist á hindrun í norrænu landi skaltu fylla út eyðublað okkar.
ATH: Ef spurningin þín varðar afgreiðslu tiltekins máls eða umsóknar eða annarra persónulegra mála skaltu hafa samband við viðkomandi yfirvald.
