Norðurlandaráð ræðir aðkomu Norðurlanda í Úkraínudeilunni

Forseti og varaforseti Norðurlandaráðs, hin sænsku Karin Åström (S) og Hans Wallmark (M), heimsóttu nýverið höfuðborgir Póllands og Eystrasaltslanda til að ræða ástandið í Úkraínu við þingmenn landanna:

„Að heimsókninni lokinni er það tilfinning okkar að við ættum ekki að einblína á framferði Rússa í þessu máli. Samstarf ríkjanna á Eystrasaltssvæðinu er mikils metið. Það er sameiginlegt hlutverk okkar að leggja áherslu á og styðja við þróun lýðræðis í Úkraínu.“

Þemaumræður um sjálfbæra námuvinnslu og fiskveiðar

Að lokinni umræðu um mál sem efst eru á baugi hefst þemaumræða þingsins um sjálfbæra nýtingu náttúruauðlinda. Búist er við að fyrirferðarmestu umræðuefni á dagskránni verði tillagan um viðmið fyrir sjálfbæran námurekstur á Norðurlöndum og ennfremur áhrif alþjóðlegs samkomulags sem nýlega var gert um makrílveiðar í Norður-Atlantshafi.

Skráning blaðamanna á þemaþing Norðurlandaráðs er opin til 2. apríl. Nánari upplýsingar eru á síðunni norden.org/temasession2014. Þar verður einnig hægt að fylgjast með þemaþinginu í beinni útsendingu og hefst hún þann 8. apríl kl. 13 að staðartíma.