Norðurlandaráð: Vill tryggja gæði drykkjarvatns vegna örplasts með samhæfðum aðferðum
Norðurlöndin ætla að leggja áherslu á auknar rannsóknir og svara þeirri spurningu hvernig örplast kemst í drykkjarvatnið. Hvaða heilsufarslega hætta felst í því að örplast sé í drykkjarvatni?
Grunur leikur á að sú sé raunin og miklu máli skiptir að Norðurlöndin standi saman í þessu máli. Rannsaka verður hvort drykkjarvatn almennings sé gæðatryggt. Með samhæfðum mælingaraðferðum geta öll Norðurlöndin tryggt drykkjarvatn sitt og fylgst með breytingum á því. Þá verður einfaldara að komast að því hvernig breytingarnar eiga sér stað og auðveldara að snúa við þróuninni.
Nefndin telur að almenningur á Norðurlöndum eigi að geta treyst því að drykkjarvatnið sé laust við örplast og ekki skaðlegt heilsu.
„Þetta er sameiginlegt stefnumál á Norðurlöndum, ég get ekki ímyndað mér að til sé sá stjórnálamaður sem er ósammála þessari stefnu. Mér finnst að við eigum að fara þess á leit við forsætisnefnd að hún fari með málið í flýtimeðferð svo það tefjist ekki. Plast er nú alltumlykjandi vandamáli í heiminum. Það er alls staðar, meira að segja í drykkjarvatni og í hafinu. Ég kæri mig ekki um að drykkjarvatn sem inniheldur örplast sé borið á borð fyrir íbúa Norðurlandanna,“ segir Karin Gaardsted (S), Danmörku, varaformaður nefndarinnar.
Þema umhverfisverðlauna Norðurlandaráðs eru verkefni sem vernda lífíð í sjónum. Tilnefningafrestur er til 14. maí. Allir geta sent inn tillögur.