Álitsdrög: Norræn samstarfsáætlun um jafnréttismál og LGBTI 2025-2030

Enn er þó langt í land áður en öll, óháð kyni, hafa sömu tækifæri til þess að hafa áhrif og móta eigið líf og taka þátt í þróun samfélagsins á jafnréttisgrundvelli. Jafnframt eru enn til staðar áskoranir sem leysa verður úr áður en hinsegin fólk á Norðurlöndum nýtur sömu réttinda og tækifæra og aðrir íbúar. 

Í samstarfsáætlun Norrænu ráðherranefndarinnar um jafnréttismál og LGBTI, (MR-JÄM) er pólitískum áherslum og markmiðum fyrir tímabilið 2025–2030 lýst ásamt tengingu þeirra við framtíðarsýn Norrænu ráðherranefndarinnar fyrir árið 2030.

Markmiðið með norrænu samstarfi á sviði jafnréttismála er að stuðla að kynjajafnrétti á Norðurlöndum. 

Markmiðið með norrænu samstarfi um málefni hinsegin fólks er að stuðla að jafnrétti og jöfnum tækifærum fyrir hinsegin fólk á Norðurlöndum.