Skamdinavisminn vekur athygli kóngafólksins
Föstudaginn 2. febrúar 2018 bjóða norsku krónprinshjónin gestum sínum frá Bretlandi, þeim Vilhjálmi prins og Kate hertogaynju, með sér í heimsókn í Hartvig Nissens skole í Ósló sem er sögusvið sjónvarpsþáttanna vinsælu, SKAM. Þar hitta þau nemendur, kennara og leikara úr þáttunum og ræða vandamál sem ungmenni kljást við í samfélagi nútímans, t.a.m. sjálfsmyndarvanda, einelti, kynferðislegt ofbeldi og átraskanir. Málefni sem eru konunglegu hjónunum hjartfólgin.
En SKAM er ekki bara „drítkúl“ í augum kóngafólksins. Þættirnir hlutu tungumálaverðlaun Norræna félagsins 2016 fyrir hve vel þeim tókst að ná til norskra ungmenna, auka skilning á fjölbreytni skandinavísku málanna og móta jákvætt viðhorf til tungumála frændþjóðanna. Málvísindafólk var ekki lengi að smíða hugtakið „skamdinavismi“ og Bertel Haarder, fyrrverandi menningarmálaráðherra Danmerkur, sagði þættina marka tímamót í norrænum málskilningi eftir margra ára þrýsting frá enskunni. SKAM hefur sýnt okkur, ekki síst unga fólkinu, að við getið skilið hvert annað á Norðurlöndum.
Með styrk frá menntamálaráðherrunum og að frumkvæði Norðmanna, sem þá gegndu formennsku í Norrænu ráðherranefndinni, kynnti Norræna félagið í nóvember 2017 nýtt námsefni um SKAM á menntagáttinni Norden i skolen. Meðal efnis eru myndskeið úr þáttunum sem myndgera verkefnin en þjálfa líka skilning á norskunni.
Kennsla í nágrannamálunum felst í því að uppgötva hve margt er skiljanlegt í málunum. En mörg ungmenni uppgötvuðu það ekki fyrr en þau horfðu á SKAM. Málskilningur snýst ekki aðeins um að skilja það sem sagt er. Hann felst einnig í menningarlegum og samfélagslegum skírskotunum. Sem gera það að verkum að fólki finnst málið koma sér við. Þess vegna eru SKAM-þættirnir svona mikilvægir í kennslunni.
Notendur þurfa að skrá sig til að fá aðgang að efninu á Norden i skolen. Afnot af efninu eru ókeypis.
Myndskeiðin og verkefnin er að finna hér:
