Norræn samstarfsáætlun um menntun, rannsóknir og tungumál 2025–2030

Menntamál, rannsóknir og tungumál eru eitt af helstu málefnasviðum Norrænu ráðherranefndarinnar sem skiptir sköpum svo að Norðurlönd verði betur í stakk búin til þess að mæta krísum framtíðarinnar. Menntun, rannsóknir og tungumál stuðla að lýðræði á Norðurlöndum með því að byggja upp traust, sjálfsmynd og samstöðu ásamt því að efla gagnrýna hugsun og skoðanaskipti. Í samstarfsáætlun Norrænu ráðherranefndarinnar um menntamál og rannsóknir er fjallað um pólitískar áherslur norrænu ráðherranna og markmið fyrir árin 2025–2030.